20 ივნისს მსოფლიოს ყველაზე პოპულარული მუსიკალური კოლექტივის, Afterlife-ის გამორჩეული არტისტი და ელექტრონული მუსიკის სცენის ვარსკვლავი ARGY თბილისს ესტუმრება.
წარმოშობით ბერძენი ARGY ელექტრონული მუსიკის DJ და პროდიუსერია, რომელიც ცნობილია თავისი უნიკალური, დინამიკური ტექნო-ჰაუს ჟღერადობით. არტისტმა კარიერა ლონდონში მუსიკის ტექნოლოგიის შესწავლით დაიწყო, მისი 2005 წელს გამოსული ტრეკი Love Dose კი გლობალურ ანდერგრაუნდ ჰიტად იქცა, რომელმაც ARGY-ს საერთაშორისო სცენისკენ გზა გაუკვალა.
არტისტი ისეთ ლეიბლებთან თანამშრომლობს, როგორიცაა Cadenza, Cocoon, Defected და Permanent Vacation. მისი ყველაზე ცნობილი ნამუშევრები Tataki, Pantheon და Ketuvim მუდმივად ხვდება წამყვანი ჩარტების სათავეში. ARGY-ის 2024 წელს გამოსული ალბომი New World Spotify-ზე 100 მილიონზე მეტ სტრიმს ითვლის და მუსიკალური კოლექტივის, Afterlife-ის ერთ-ერთ ყველაზე წარმატებულ პროექტად ითვლება.
ARGY გამოდიოდა ისეთ ლეგენდარულ ფესტივალებზე და კლუბებში, როგორიცაა Tomorrowland, EDC Vegas, Ultra, Panorama Bar (ბერლინი), Pacha და DC10 (იბიცა).
20 ივნისს, Redium-ის ორგანიზებით ARGY თბილისში, კუს ტბაზე დაუკრავს, ბილეთების გაყიდვა კი 28 აპრილს Biletebi.ge-ზე დაიწყო.
