სინდი ლოპერი როკ-ენ-როლის დიდების დარბაზში შედის, რითაც ძალიან ბედნიერია. მას შემდეგ, რაც 2025 წლის სია გამოცხადდა, მუსიკოსმა ინსტაგრამზე პოსტი გამოაქვეყნა:
„მადლიერი ვარ, რომ ჩემი კუმირების კომპანიაში მოვხვდი – არეთა, ტინა, ჩაკა, ჯონი, ვანდა – ეს სულ რამდენიმე რომ დავასახელო. ქალებს ძალიან დიდი წვლილი მიუძღვით მუსიკასა და როკ-ენ-როლში და გამარჯვება ერთი ჩვენგანისთვის ნიშნავს გამარჯვებას ყველასთვის. მადლობა დიდების დარბაზის ჟიურის და მადლობა ჩემს ფანებს მხარდაჭერისთვის. თქვენ გარეშე ვერაფერს შევძლებდი.”
წელს მეოთხე თანმიმდევრული წელია, როცა დიდების დარბაზში ოთხი ან მეტი ქალი შედის. ლოპერთან ერთად ეს პატივი ერგოთ The White Stripes-ის მეგ უაიტს, Salt-N-Pepa-სა და კაროლ კეის. ბოლო წლებში ცერემონიის ორგანიზატორები მუდმივ კრიტიკას იღებდნენ დიდების დარბაზში ქალების ნაკლებობის გამო.
„ყელში ამოვიდნენ ეს კაცები” – დაწერა 2023 წელს კორტნი ლავმა უკვე წაშლილ ინსტაგრამ პოსტში ჟურნალისტის პასუხად, რომელმაც აღნიშნა, რომ იმ პერიოდისთვის ქალების წილი დიდების დარბაზში მხოლოდ 8.5%-ს შეადგენდა.
ქალების ნაკლებობაზე ჯენეტ ჯექსონმაც ისაუბრა, როცა 2019 წელს თავად შევიდა დიდების დარბაზში. „მივმართავ როკ-ენ-როლის დიდების დარბაზს, გთხოვთ, 2020-ში უფრო მეტი ქალი შეიყვანეთ.”
2025 წლის როკ-ენ-როლის დიდების დარბაზში შესვლის ცერემონია 8 ნოემბერს ლოს-ანჯელესში გაიმართება.
ნახეთ სინდი ლოპერის პოსტი:
