27 აპრილს რიანამ ინსტაგრამის ე.წ. Story-ზე გააზიარა ვიდეო, რომელიც ბანანის ფილტრითაა გადაღებული. რიანასთვის ეს ერთგვარი ხრიკია, რომლითაც თავისი ორი ვაჟის, ორი წლის RZA-ს და ოცი თვის Riot Rose-ის ყურადღებას იპყრობს. „რადგან ჩემს შვილებს ასე უყვართ ბანანები, მაგრამ ჩემს დაიგნორებას ცდილობენ,” – დაწერა რიანამ Story-ზე. უფრო მეტი აქცენტისთვის მომღერალმა ვიდეოს ფონად 2016 წლის სიმღერა Focus დაურთო.
რიანას შვილები თავისი პარტნიორისგან, A$AP Rocky-სგან ჰყავს. ახლახან Vogue-მა რეპერის ინტერვიუ გამოაქვეყნა, სადაც როკიმ რიანასთან და შვილებთან ურთიერთობაზე ისაუბრა. რეპერმა ასევე აღნიშნა, რომ მისი ბებია, კეტია ყოველთვის გრძნობდა, რომ ის დიდ წარმატებას მიაღწევდა, მაგრამ განსაკუთრებულად ამაყობს თავისი შვილიშვილის რიანასთან ურთიერთობით. „რიანა ძალიან უყვარს“, – თქვა როკიმ ბებიაზე.
Vogue-ს თავად A$AP Rocky-ს ბებიაც ესაუბრა. „მიხარია, რომ დასტაბილურდა და ბედნიერი, ვარ რომ ეს რიანასთან ერთად შეძლო,“ – აღნიშნა კეტიამ ინტერვიუში. მისივე თქმით, რიანა რაციონალური და გონიერი ადამიანია.
Vogue-თან ინტერვიუში A$AP Rocky შვილების თემასაც შეეხო: „უფროსს საკუთარ თავთან ყოფნა და წიგნების კითხვა მოსწონს. უმცროსს კი ძალიან უყვარს ყურადღება,“ – თქვა რეპერმა.
რაც შეეხება Met Gala-ს, ყოველ წელს, მაისის პირველ ორშაბათს მოდის სამყაროს ცნობილი კოსტიუმირებული მიღება Met Gala იმართება. წელს ღონისძიების მოწვეულ თანაორგანიზატორად მეტროპოლიტენის მუზეუმის კოსტიუმების ინსტიტუტმა A$AP Rocky შეარჩია. Met Gala 5 მაისს გაიმართება. A$AP Rocky ღონისძიების თანაორგანიზატორი იქნება ისეთ ვარსკვლავებთან ერთად, როგორებიც არიან კოლმან დომინგო, ლუის ჰემილტონი და ფარელ უილიამსი. წლევანდელი თემა შავკანიანი მამაკაცის სტილსა და ტანსაცმლის ევოლუციას ეძღვნება.
