ახალი კომპილაციური ალბომის, Jackboys 2-ის დაანონსებიდან ერთი თვის შემდეგ ტრევის სკოტი ფანებს მისი გამოშვების თარიღზე მიანიშნებს. რეპერმა ალბომის დასრულება ორშაბათს, 28 აპრილს დაადასტურა, როცა ინსტაგრამზე დედას დაბადების დღე მიულოცა. პოსტში მან ისიც გაამხილა, რომ ალბომი დედასთვის სრულად დაუკრა.
„ყველამ მივულოცოთ დაბადების დღე დედოფალს. მიყვარხარ, დედა. P.S. JACKBOYS 2 მისთვის დავუკარი.”
პოსტი კი სრულდება ინფორმაციით, რომლის მიხედვითაც, დედამ ტრევისს სთხოვა, ალბომის გამოცემა საკუთარი დაბადების დღისთვის დაემთხვია. 30 აპრილს რეპერს 34 წელი უსრულდება. „მან მითხრა: შენს დაბადების დღეზე გამოუშვი, პატარა ჯეკ.”
პოსტის კომენტარებში გამოჩნდნენ Chase B, Sexxy Red, ბასტა რაიმსი და ტრევის სკოტის შვილების ბებია კრის ჯენერი. ისინი რეპერის დედას დაბადების დღეს ულოცავენ. ფანები კი რეპერს ალბომის გამოცემის შესაძლო თარიღზე ეკითხებიან.
Jackboys 2-ის გამოცემა ტრევის სკოტმა მარტში დააანონსა. აპრილში მან Coachella-ზე აქამდე გამოუქვეყნებელი სიმღერები შეასრულა, რომლებიც, მსმენელის აზრით, სწორედ მომავალი კომპილაციიდან იყო.
JACKBOYS-ის პირველი ნაწილი 2019 წლის დეკემბერში გამოვიდა და Billboard 200-ის ლიდერი გახდა. შვიდსიმღერიან ალბომში მონაწილეობდნენ Pop Smoke, Lil Baby, Offset და სხვები.
