The Weeknd მომავალ თვეს პირველი სრულმეტრაჟიანი ფილმის, Hurry Up Tomorrow-ს პრემიერისთვის ემზადება, თუმცა როგორც აღმოჩნდა, მისი ძველი ჰიტ სიმღერა სულ სხვა ფილმის შთაგონების წყაროდ იქცა.
რეჟისორმა მეთ რივზმა 2022 წელს ფილმი The Batman რობერტ პატინსონისა და ზოი კრავიცის მონაწილეობით გადაიღო. ახლახან კი მეთ რივზმა IndieWire-თან განაცხადა, რომ: მისთვის The Weeknd-ის სიმღერა Call Out My Name ფილმის გაგრძელებისთვის შთაგონების წყაროდ იქცა.
ჰიტი მომღერლის 2018 წლის EP-ის, My Dear Melancholy-ს წარმდგენი სიმღერაა. სინგლი Billboard Hot 100-ში მე-4 ადგილზე მოხვდა და Hot R&B/Hip-Hop Songs-ში მე-3 ადგილი დაიმკვირდა. მუსიკალურმა ვიდეომ კი YouTube-ზე მილიარდზე მეტ ნახვას მიაღწია.
The Weeknd-მა 30 აპრილს ინსტაგრამ სთორიში IndieWire-ის სტატიის ფრაგმენტი გამოაქვეყნა, მოგვიანებით კი Call Out My Name-ის ვიდეოდან კადრი გააზიარა შემდეგი წარწერით: „მითხარით, თუ გჭირდებათ დამატებითი მინიშნება,“ სადაც ფონად Seal-ის სიმღერა Kiss From a Rose ისმის.
აღსანიშნავია, რომ Seal-ის Kiss From a Rose პირველად 1994 წელს გამოვიდა, ის ამავე სახელწოდების ალბომის მეორე სინგლია. სიმღერამ თავდაპირველად დიდი პოპულარობა ვერ მოიპოვა. 1995 წელს კი რეჟისორმა ჯოელ შუმახერმა ის ფილმ Batman Forever-ში სასიყვარულო სცენისთვის გამოიყენა. მოგვიანებით Kiss From a Rose ფილმის ოფიციალურ საუნდტრეკშიც გამოჩნდა, რამაც საბოლოოდ შედეგი გამოიღო და სიმღერა Billboard Hot 100-ში პირველ ადგილზე გავიდა. Kiss From a Rose-მა MTV VMAs-ზე წლის საუკეთესო ვიდეოს ჯილდო მიიღო და 1996 წელს სამი გრემიც დაიმსახურა: წლის ჩანაწერის, წლის სიმღერის და საუკეთესო მამაკაცი პოპ შემსრულებლის სახით.
