30 აპრილს ფილმ Bono: Stories of Surrender-ის ახალი ტრეილერი გამოვიდა, რომელიც U2-ს ვოკალისტის ამავე სახელწოდების სოლო პროექტს ეფუძნება.
Apple Original Films-მა დოკუმენტური ფილმის გამოსვლა 26 თებერვალს დააანონსა. მსოფლიო პრემიერა Apple TV+-ზე 30 მაისს შედგება, რომელიც Bono-ს სოლო პროექტის შესახებ გვიამბობს. ფილმის შექმნის ინსპირაცია კი არტისტის ამავე სახელწოდების მემუარებს Surrender: 40 Songs One Story-ს ეფუძნება.
ფილმის რეჟისორი ანდრიუ დომინიკია, გამოქვეყნებულ პრესრელიზში კი ნათქვამია: “ფილმი Bono-ს გამორჩეულ ცხოვრებას გვიჩვენებს, სადაც წარმოდგენილია მისი ოჯახი, მეგობრები და ცხოვრებისეული რწმენა. ეს არის დოკუმენტური ფილმი პირადი ისტორიებისა და გზის შესახებ, სადაც Bono შვილის, მამის, მეუღლის, აქტივისტის და როკვარსკვლავის ამპლუაშია წარმოდგენილი. შოუების ექსკლუზიურ კადრებთან ერთად ფილმი Bono-ს მრავალ გამოსვლას აერთიანებს, რომლებმაც არტისტის ცხოვრებასა და კარიერაზე გარკვეული გავლენა იქონიეს.”
Apple Vision Pro ვერსია ფილმს 8K ხარისხითა და სივრცული აუდიო ეფექტით წარადგენს, რომელიც 180-გრადუსიან ვიზუალს ქმნის, ეს ყველაფერი კი მაყურებელს Bono-სთან ერთად სცენაზე ყოფნის განცდას შეუქმნის. სპეციალური ვერსია, მაყურებლისთვის მხოლოდ Apple Vision Pro-ზე იქნება ხელმისაწვდომი.
ფილმი RadicalMedia-ს ოსკარისა და ემის გამარჯვებული ჯონ კეიმენისა და დევ სირილნიკის მიერ არის წარმოებული. ფილმზე ასევე მუშაობდნენ Plan B Entertainment-ის ოსკარის გამარჯვებული მსახიობი და პროდიუსერი ბრედ პიტი, დედი გარენდერი და ჯერემი კლაინერი. აღმასრულებელი პროდიუსერი კი თავად Bono, ჯენიფერ პიჩერი და ქელი მაკნამარა არიან.
აღსანიშნავია, რომ Bono-ს მემუარების Surrender: 40 Songs, One Story-ს განახლებული ვერსია ახალი ყდითა და ავტორის შესავალით, დოკუმენტური ფილმის გამოსვლის თარიღს ემთხვევა.
