3 მაისს რიო-დე-ჟანეიროს კოპაკაბანას პლაჟზე გამართულ Lady Gaga-ს კონცერტს 2.5 მილიონი ადამიანი დაესწრო. აღსანიშნავია, რომ მსგავსი მასშტაბის შოუ აშშ-ში ჯერ არ ჩატარებულა.
ცნობილია, რომ 1997 წელს, ნიუ-იორკის ცენტრალ პარკში გამართულ გართ ბრუკსის უფასო კონცერტს მილიონამდე ადამიანი დაესწრო.
Billboard Pop Shop პოდკასტში ქეითი და ქითი Lady Gaga-ს გრანდიოზულ შოუს განიხილავენ და მსჯელობენ, რამდენად არის შესაძლებელი, რომ მსგავს კონცერტს ამერიკამაც უმასპინძლოს, დაიტევს თუ არა ლოს-ანჯელესის სანაპიროები ამ რაოდენობის აუდიტორიას.
ახალი პოდკასტიდან ასევე შეიტყობთ სიახლეებს ჩარტების შესახებ, კერძოდ, ჯგუფმა Ghost პირველად Billboard 200-ის ალბომების ჩარტში პირველი ადგილი დაიკავა, ასევე მოისმენთ, თუ როგორ დაბრუნდა მძიმე როკი ჩარტების ლიდერ პოზიციაზე და როგორ მიაღწია ალექს უორენის სიმღერა Ordinary-მ Billboard Hot 100-ის რეკორდულ მაჩვენებელს.
Billboard Pop Shop Podcast არის ერთიანი სივრცე ყველა იმ სიახლისთვის, რაც Billboard-ის ყოველკვირეულ ჩარტებში აისახება, მათ შორისაა საინტერესო დისკუსიები პოპ-მუსიკის ყველაზე აქტუალური ამბების, ჩარტების სტატისტიკის, ახალი მუსიკისა და ვარსკვლავების ინტერვიუების შესახებ. პოდკასტის წამყვანები არიან Billboard-ის აღმასრულებელი ციფრული დირექტორი ქეითი ეტკინსონი და Billboard-ის ჩარტებისა და მონაცემთა ოპერაციების მმართველი დირექტორი ქით კოლფილდი.
პოდკასტს შეგიძლიათ მოუსმინოთ Billboard.com-ზე, Apple Podcasts-ში ან თქვენს საყვარელ პოდკასტ პლატფორმაზე. გადაცემის წინა ეპიზოდის მოსასმენად ეწვიეთ Billboard.com-ს.
