ჯგუფი Killages და სტეფანე მღებრიშვილი კოლაბორაციულ მუსიკალურ ნამუშევარს აანონსებენ. “გიჟივით გენდობი” — ასე ჰქვია ტრეკს, რომელიც კლიპთან ერთად მაისის შუა რიცხვებში გამოვა.
Billboard Georgia-ს Killages-ის წევრი გუგა მაჭარაშვილი ესაუბრა:
„სტეფანესთან ერთად ტრეკის გაკეთების იდეა უკვე გვქონდა. გარკვეული პერიოდის შემდეგ თავად დამიკავშირდა და თავისი იდეები გამიზიარა. სწორედ ამან მომცა შთაგონება და მეორე დღესვე გავუგზავნე ტრეკი. სიმღერის შინაარსი ისეთია, რომ ყველა მსმენელი თავისებურად აღიქვამს. ვიღაცთვის ეს შეიძლება იყოს სიმღერა შეყვარებულზე, ვიღაცისთვის – მეგობარზე, საკუთარ თავზე, საყვარელ ფეხბურთის გუნდზე და ა.შ.“
ტრეკისთვის გადაღებული მუსიკალური ვიდეოს თიზერი უკვე გამოქვეყნდა სოციალურ ქსელებში. კლიპში არტისტების 3D დასკანერებული ვიზუალებია გამოყენებული.
ნახეთ ვიდეო:
