მაილი საირუსმა ალბომ Something Beautiful-ის ვიზუალი გაავრცელა. ალბომის გამოცემამდე რამდენიმე კვირით ადრე კი, 9 მაისს, მეოთხე სინგლი More to Lose გამოუშვა.
ახალი ბალადის მეშვეობით საირუსმა სრულად გამოავლინა მისი ვოკალური შესაძლებლობები.
More to Lose მას შემდეგ გამოვიდა, რაც მომღერალმა სოციალურ მედიაში სიმღერის თიზერ ვიდეოები გაავრცელა. მანამდე კი შავ-თეთრი ვიდეოს ფრაგმენტი Youtube არხზეც გამოქვეყნდა.
Instagram-ზე გაზიარებულ ვიდეოში მაილი საირუსი მუსიკის ჩაწერის პროცესს და დეტალებს გვიყვება:
„ეს სიმღერა უფრო ისტორიაა და არ მსურს, ზედმეტმა ფიქრმა თუ სრულყოფილების სურვილმა შეცვალოს. არასდროს მიფიქრია, რომ More to Lose იდეალური უნდა ყოფილიყო, მინდოდა რომ ლამაზი და ემოციური სიმღერა გამოსულიყო.”
More to Lose ალბომ Something Beautiful-ის რიგით მეოთხე სიმღერაა, რომელსაც წინ უსწრებს უკვე გამოცემული ტრეკები: Prelude, End of the World და Something Beautiful.
მოუსმინეთ სიმღერას More to Lose:
