12 მაის Latto-მ ინსტაგრამზე ახალი სინგლის გამოცემა დააანონსა, რომელიც მისი თქმით, პარასკევს გამოვა.
„მოგესალმებით იამაიკიდან,“ — წერს ის ინსტაგრამზე ტროპიკული ყდის აღწერაში. Latto-მ სინგლის გამოცემასთან დაკავშირებით პირველი მინიშნება გულშემატკივრებს მარტში, X-ზე, ერთი წუთიანი ვიდეოთი ამცნო.
Somebody – Latto-ს 2025 წელს გამოსული პირველი სოლო სინგლი იქნება, მანამდე არტისტმა Blick Sum-ის რემიქსი გამოუშვა, რომელშიც რეპერი Playboi Carti მონაწილეობს.
Blick Sum. თავდაპირველად Latto-ს მესამე სტუდიურ ალბომ Sugar Honey Iced Tea-ში შედიოდა, რომელიც გასული წლის აგვისტოში Streamcut-ისა და RCA Records-ის მეშვეობით გამოვიდა. 17-სიმღერიანი პროექტი მოიცავს ისეთ ჰიტს, როგორიცაა Big Mama, ეს უკანასკნელი კი 2025 წელს საუკეთესო რეპ შესრულებისთვის გრემის ნომინაციაზე იყო წარდგენილი. ალბომმა მე-15 ადგილი დაიკავა Billboard 200-ზე და Latto-ს პირველი ალბომი გახდა, რომელიც Top Rap Albums ჩარტში პირველ ადგილზე მოხვდა.
მომდევნო თვეში მინი ტურნეს Big Mama Takes Europe გეგმავს, რომლის ფარგლებშიც ევროპულ ფესტივალებს ესტუმრება. ტურნე მოიცავს ფესტივალებს DLT Malta-ზე წმინდა პავლეს ყურეში (მალტა), Tinderbox-ზე ოდენსეში (დანია), Yardland Festival-ზე პარიზში (საფრანგეთი) და Les Ardentes-ზე (ბელგია). არტისტი ასევე გამართავს სოლო შოუებს ლონდონში, ბერლინში და ამსტერდამში.
ნახეთ Latto-ს ახალი სინგლის, Somebody-ის ანონსი:
