9 მაისს მუსიკოსმა სანდრო ბიბიჩ კვაჭაძემ (Sandro Bibich) მსმენელს ახალი კომპოზიცია Silent Isolation წარუდგინა. სიმღერა სრულად გადმოსცემს ადამიანის შინაგან განცდებს. ტექსტისა და მუსიკის ავტორი ბიბი კვაჭაძეა, კომპოზიციის გრაფიკული დიზაინი კი ელენე ალავიძეს ეკუთვნის.
Sandro Bibich – მუსიკოსი:
„ეს იდეა პანდემიისას გაჩნდა და ეკუთვნის მამას, ბიბი კვაჭაძეს. მან დაწერა ტექსტი და მელოდია. როდესაც მოვისმინე, ძალიან ახლოს მივიტანე გულთან და მომინდა მასზე მუშაობა. დანარჩენი ნაწილი – პროდიუსინგიც, მიქსინგიც და მასტერინგიც მე მეკუთვნის.
ჩემთვის ეს სიმღერა არის ადამიანზე, რომელიც სიმარტოვეშია. ცხოვრებამ რაღაც წაართვა, რაღაც ნაწილმა დატოვა მისი ცხოვრება და არსებობა, სევდიან განწყობაზეა და გვიმღერის. შემოქმედებითი პროცესის დროს ისეთი შეგრძნება მქონდა, თითქოს ამ ადამიანს ფრთები შევასხი და ეს იყო დიდი ერთიანობის და სიყვარულის შეგრძნება.” – აღნიშნა „ბილბორდ საქართველოსთან” საუბრისას მუსიკოსმა.
მოისმინეთ სანდრო ბიბიჩ კვაჭაძის კომპოზიცია Silent Isolation:
