კეტი პერი ფანებისგან დიდ სიყვარულს გრძნობს, მიუხედავად იმ სიძულვილისა, რასაც ის ინტერნეტსივრცეში იღებს.
Lifetimes ტურნეს ფარგლებში ჩიკაგოში გამართული კონცერტის დროს პოპვარსკვლავმა თავის საჯარო იმიჯზე იხუმრა. გავრცელებულ ვიდეოში პერი აუდიტორიის მქუხარე აპლოდისმენტების პასუხად ამბობს: „მეგონა, ინტერნეტსივრცეში ყველაზე საძულველი ადამიანი ვიყავი.” ფანების შეძახილების შემდეგ კი ამატებს: „მგონი, ეს ტყუილია!”
“I thought I was the most hated person on the internet…” @katyperry knows that ain’t true in front of a sold out Chicago crowd! pic.twitter.com/Ua6TnOrql7
— Isaac B☁️🦋✨ (@itsmeIsaacB) May 13, 2025
ჩიკაგოს შოუ პერის ახალი ტურნეს ნაწილია, რომელიც აპრილში დაიწყო და მომღერლის 2024 წლის ალბომს, „143-ს” ეძღვნება. იმავე თვის დასაწყისში პოპვარსკვლავმა მონაწილეობა მიიღო Blue Origin-ის პროექტში და გახდა სრულად ქალებით დაკომპლექტებული პირველი კოსმოსური ეკიპაჟის წევრი, რასაც სოციალურ მედიაში დიდი კრიტიკა მოჰყვა.
იქამდე კი პერიმ ასევე კრიტიკა დაიმსახურა Dr. Luke-თან მუშაობისთვის სინგლზე Woman’s World. 2014 წელს მომღერალმა კეშამ პროდიუსერი 2005 წელს მის ნაკროტიკებით მოწამვლასა და გაუპატიურებაში დაადანაშაულა. Dr. Luke-მა ბრალდებას „ტყუილი და შოკისმომგვრელი” უწოდა და თავად უჩივლა კეშას ცილისწამებისთვის. 9-წლიანი იურიდიული დავა 2023 წელს გარიგებით დასრულდა.
Dr. Luke-თან მუშაობასა და კოსმოსურ ექსპედიციას მართლაც მოჰყვა ინტერტეტსივრცეში პერის მიმართ სიძულვილის ზრდა. თუმცა ჩიკაგოს კონცერტამდე მომღერალმა ინსტაგრამზე დაწერა, რომ ამ ყველაფერს უმკლავდება.
„გთხოვთ, იცოდეთ, რომ მე კარგად ვარ. ბევრი ვიმუშავე იმისთვის, რომ გავიგო, ვინ ვარ მე, რა არის ნამდვილი და რა არის ჩემთვის მნიშვნელოვანი,” – წერდა მომღერალი აპრილში. „ჩემმა ფსიქოთეტაპევტმა წლების წინ მითხრა რაღაც, რაც გარდამტეხი აღმოჩნდა: „არავის შეუძლია დაგაჯეროს შენ შესახებ ისეთი რამ, რისიც შენ უკვე არ გჯერა.” და თუ ოდესმე მექნება რაიმე ემოციები ამ ყველაფერზე, ეს იქნება შესაძლებლობა, გამოვიძიო გრძნობები მათ უკან.”
