Busta Rhymes-მა კარიერის განმავლობაში უამრავ ლეგენდარულ არტისტთან ითანამშრომლა (Missy Elliott, Lil Wayne…) თუმცა ახლა მას Cardi B-სთან სურს კოლაბორაცია.
არტისტები ერთმანეთს შემთხვევით Madison Square Garden-ში Knicks-ის პლეი-ოფის თამაშის დროს შეხვდნენ.
14 მაისს Busta Rhymes-მა ინსტაგრამზე Cardi B-სთან ერთად გადაღებული ფოტო გააზიარა, სადაც გრემის მფლობელ არტისტთან კოლაბორაციის სურვილი გამოთქვა.
„დალოცვები არ წყდება, ასე რომ, ჩვენც არასდროს გავჩერდებით!! სალამი ჩვენს კულტურაში ერთ-ერთ ყველაზე დიდ დედოფალს. რას იტყვი, მე და შენ რამე რომ ჩავწეროთ? @iamcardib? შენს გვერდით ვარ, დედოფალო, მითხარი, როცა მზად იქნები!!“ – დაწერა Busta Rhymes-მა ინსტაგრამზე.
Madison Square Garden-ში Cardi B-ს გამოჩენამ ყურადღება მიიპყრო, როდესაც იგი NFL-ის ვარსკვლავ Stefon Diggs-თან საჯაროდ გამოჩნდა.
Busta Rhymes-მა წელს შვიდ სიმღერიანი პროექტი Dragon Season… Equinox გამოუშვა, ხოლო Cardi B კი კვლავ აგრძელებს მომავალ ალბომზე მუშაობას.
Cardi B-მ მაისის დასაწყისში ინსტაგრამ Live-ის სესიის დროს, ალბომის დაგვიანება სხვა არტისტის მხრიდან ჩანაწერების დაყოვნებას დააბრალა:
„რაღაცნაირად არ მინდა, ზედმეტი ზეწოლა მოვახდინო ან ვეჩხუბო ამ არტისტებს, ვინც ჩანაწერების გადმოგზავნას აგვიანებენ, იმიტომ რომ მიყვარს ისინი. მაგრამ ახლა სერიოზულად! მჭირდება ეს! ახლავე! არ უნდა დაკარგოთ ეს შანსი, თორემ თვითონ ჩავწერ ყველაფერს! მაგრამ მართლა მჭირდებით და მჭირდება, რომ ეს გააკეთოთ. მიყვარხართ! ვფიქრობ, ამ ალბომზე მუშაობის შანსი არავინ უნდა გაუშვათ ხელიდან.” – ამბობდა Cardi B ვიდეოში.
