სნუპ დოგი თავისი 21-ე სტუდიური ალბომით ბრუნდება, რომელიც 15 მაისს გამოდის და მისი სახელწოდებაა Iz It a Crime? ჩანაწერი 21 ტრეკისგან შედგება. მასში წარმოდგენილია კოლაბორაციები ისეთ ვარსკვლავებთან, როგორებიც არიან ფარელ უილიამსი, Sexyy Red, Wiz Khalifa, ჩარლი ბერიალი, ჯეინ ჰენკოკი, October London და სხვა. ტრეკი, რომელიც ალბომის სათაურს იმეორებს, სიმბოლურად იყენებს Sade-ს ლეგენდარული კომპოზიციის, Is It a Crime-ის სემპლს.
14 მაისს, გადაცემა The Breakfast Club-ში სტუმრობისას, სნუპიმ ისაუბრა იმაზე, თუ როგორ ინარჩუნებს მოტივაციას ახალი მუსიკის შესაქმნელად, მიუხედავად მრავალწლიანი კარიერისა.
„მე ვარ MC, მიყვარს რეპი, მიყვარს მუსიკის შექმნა და ხალხსაც მოსწონს ჩემი ხმა. უყვართ, როცა კარგ ჩანაწერებს ვაკეთებ,“ — აღნიშნა სნუპმა. „როცა კარგი ჩანაწერი არ გამომდის, მაშინვე მაგრძნობინებენ. ეს ყველაფერი მაფიქრებინებს, რომ საკუთარი თავი უნდა მივიღო, როგორც მუსიკოსი და არა უბრალოდ რეპერი. თუ მუსიკოსი ხარ, შეგიძლია სიცოცხლის ბოლომდე აკეთო მუსიკა, მაგრამ როცა რეპერი ხარ, თითქოს საზღვრებს გიწესებენ.“
13 მაისს ნიუ-იორკში სნუპ დოგმა დახურული ჩვენებით წარადგინა ალბომთან დაკავშირებული ფილმი. ამ დროისთვის უცნობია, როდის გახდება ფილმი მაყურებლისთვის ხელმისაწვდომი.
ბოლო ექვსი თვე სნუპისთვის განსაკუთრებით დატვირთული აღმოჩნდა — დეკემბერში მან Dr. Dre-სთან ერთად კვლავ დაიწყო მუშაობა ალბომზე Missionary, რომელმაც Billboard 200-ის ჩარტში მე-20 პოზიცია დაიკავა. აპრილში კი გამოვიდა Altar Call — Death Row-ს გოსპელ ალბომი, რომელიც სნუპის გარდაცვლილ დედას ეძღვნება.
Iz it a Crime? Album out 5/15. 🐾 pic.twitter.com/MJyr66y2y5
— Snoop Dogg (@SnoopDogg) May 13, 2025
