Billboard Georgia სერიული კონცერტების პროექტის – Billboard Georgia Stage-ის ახალ სეზონს იწყებს. 4 ივნისს, თბილისს ცნობილი ამერიკელი არტისტი MonoNeon ეწვევა. ღონისძიების წარმდგენია SOLO, ხოლო გენერალური მხარდამჭერი – Club Iveria. კონცერტი ტრადიციულად „რესპუბლიკაში“, Eastern Promotion-თან პარტნიორობით იმართება.
MonoNeon – მემფისელი ბასისტი და ფანკის შემსრულებელი მუსიკოსია, რომელმაც სახელი იმპროვიზაციული დაკვრის უნიკალური სტილით გაითქვა. ის იყო ერთ-ერთი უკანასკნელი მუსიკოსი, ვინც Prince-თან თანამშრომლობდა. გამორჩეული შესრულების სტილმა მას შესაძლებლობა მისცა, იმუშაოს ისეთ მუსიკოსებთან, როგორიცაა Ghost-Note, მაკ მილერი, NAS, ბუტსი კოლინსი, ჯუდით ჰილი და ჯეიკობ კოლიერი.
MonoNeon-ის მუსიკალური კარიერა მოიცავს 20-ზე მეტ ალბომს, რომელშიც ნათლად ჩანს მისი პროდიუსერული, ინსტრუმენტული და ვოკალური შესაძლებლობები. სოციალური ტექსტების გაჟღერებამ მას მსოფლიო მუსიკალურ სცენაზე განსაკუთრებული აღიარება მოუტანა. 2020 წელს MonoNeon-მა გრემის ჯილდო მიიღო NAS-ის ალბომის ფარგლებში კოლაბორაციისათვის.
MonoNeon ბასზე მარცხენა ხელით უკრავს, რაც მის ტექნიკას უნიკალურად და გამორჩეულად აქცევს. სწორედ მისი შესრულების და ტექნიკის გამო, ჟურნალ Bass Player-თან ინტერვიუში მარკუს მილერმა MonoNeon ამერიკის ამომავალ ბასისტ ვარსკვლავად დაასახელა. მიუხედავად იმისა, რომ ავანგარდული და ექსპერიმენტული არტისტია, მისი შემოქმედება ფანკისა და სოულის ტრადიციებს უკავშირდება.
ნებისმიერი SOLO ბარათით გადახდისას, მსმენელებს შეუძლიათ, ისარგებლონ 20%-იანი ფასდაკლებით. Club Iveria-ს წევრებისთვის მოქმედებს სპეციალური ფასდაკლება: Classic – 10%, Silver – 20%, Gold – 30%, VIP – უფასო.
ბილეთების შესაძენად ეწვიეთ ბმულს.
