Billboard-მა Pinterest-ზე ექსკლუზიურად ჩაუშვა ვიზუალური მასალა, რომელიც ჩარტების ლიდერი ნიგერიელი არტისტის, Tems-ის ახალ სტატუსს ეძღვნება – მუსიკოსი Billboard-ის ყდის ვარსკვლავია.
15 მაისს Pinterest-ზე კოლექცია ოფიციალურად გამოქვეყნდა და Tems-ის უახლესი ფოტოსესიის სამუშაო პროცესის ამსახველ მასალებს სთავაზობს გულშემატკივრებს. გადაღებები აპრილში, ლონდონში გაიმართა და მას ფოტოგრაფი ზოი მაკკონელი ხელმძღვანელობდა. Pinterest-ის კოლექციაში 40-ზე მეტი ფოტო და ვიდეოფრაგმენტია გაერთიანებული, სადაც ვარსკვლავი სხვადასხვა სამოსით არის წარმოდგენილი – მათ შორის Marc Jacobs-ისა და Ferragamo-ს კოსტიუმებით.
რამდენადაც ეს ფოტოსესია Tems-ისთვის უდიდესი სადებიუტო მომენტია, Pinterest-ის კოლექცია ბევრად მეტს სთავაზობს გულშემატკივრებს, ვიდრე მხოლოდ სამოსის დეტალებს. მათ საშუალება აქვთ, ახლოდან დაათვალიერონ გადაღების სცენოგრაფია, სამკაულებისა და ფეხსაცმელების სელექცია, ასევე ექსკლუზიური ბეჭდური ფოტოები გადასაღები მოედნიდან.
„ეს სიგიჟეა. ძალიან სახალისო იყო, ყველაზე მაგარი გადაღებაა. რაც მქონია,“ – ამბობს Tems ერთ-ერთ ვიდეოში. „Billboard-ის პირველი გარეკანის გადაღებას ექვს საათში მოვრჩი.”
ინტერვიუს დროს ვარსკვლავმა აღნიშნა, რომ სტუდიაში მუშაობს ახალ მასალაზე, რომელიც სრულიად განსხვავდება Born in the Wild-ისგან და რომელიც მას ძალიან მოსწონს. „შეპყრობილი ვარ იმ სიმღერებით, რომლებიც ჯერ არ გამიზიარებია. გარე სამყაროზე საერთოდ არ ვფიქრობ. ბევრად უფრო მაინტერესებს შემოქმედებითი პროცესი, ვიდრე მისი შემდგომი აღიარება,” – ამბობს არტისტი.
ნახეთ რამდენიმე კადრი Tems-ის ფოტოსესიიდან, ხოლო Pinterest-ის კოლექციის სანახავად ეწვიეთ ბმულს.
