ბარბრა სტრეიზანდმა მომავალი დუეტების ალბომისთვის პოლ მაკარტნის My Valentine-ის მასთან ერთად შესრულება სთხოვა. სიმებისა და ფორტეპიანოს ფონზე სიმღერის პირველ სტროფს სტრეიზანდი ასრულებს, შემდეგ კი მას სერ პოლი უერთდება.
სასიყვარულო სიმღერა თავდაპირველად მაკარტნის 2012 წლის სოლო ალბომის, Kisses on the Bottom-ის მთავარი სინგლი და ერთ-ერთი სიმღერა იყო ალბომის ორი ორიგინალური კომპოზიციიდან. გიტარის პარტიას აქ ერიკ კლეპტონი ასრულებდა.
My Valentine-ის ახალი ვერსია რიგით მეორე სიმღერაა, რომელიც სტრეიზანდმა მომავალი ალბომიდან გამოსცა. The Secret of Life: Partners, Volume 2 სიქველია 11 წლის წინანდელი ალბომისა Partners, რომელიც 2014 წელს გრემიზე იყო წარდგენილი. ალბომი 27 ივნისს გამოვა.
დუეტის გამოცემამდე ლეგენდარულმა „სასაცილო გოგონამ” ინსტაგრამზე მაკარტნისთან ერთად გადაღებული ფოტო გამოაქვეყნა: „დიდი ბედნიერებაა My Valentine-ის პოლ მაკარტნისთან ერთად ჩაწერა. სტუდიაში მის გვერდით დროის გატარება მართლაც განსაკუთრებული იყო,” – დაწერა მომღერალმა.
პოლ მაკარტნის გარდა, სტრეიზანდის 37-ე სტუდიურ ალბომში მონაწილეობას მიიღებენ ისეთი ა-კლასის ვარსკვლავები, როგორებიც არიან: ჰოზიერი, ჯეიმს ტეილორი, ბობ დილანი, ტიმ მაკგროუ, მერაია კერი და არიანა გრანდე.
მოუსმინეთ ბარბრა სტრეიზანდისა და პოლ მაკარტნის დუეტს My Valentine:
