ამ კვირაში Rihanna-მ ბოლო სამი წლის განმავლობაში პირველი სიმღერა გამოუშვა, მორგან უოლენმა ახალი ალბომი I’m the Problem გამოსცა, ხოლო BTS-ის არტისტმა JIN-მა მეორე სოლო EP წარადგინა.
Rihanna სტუდიაში დიდი ხნის ნანატრი სიმღერით Friend of Mine დაბრუნდა, რომელიც ანიმაციური ფილმის, „სმურფების” საუნდტრეკი იქნება. მომღერალმა 2022 წელს გამოსცა ბოლო სინგლი, სახელწოდებით Lift Me Up, რომელიც ფილმ Black Panther: Wakanda Forever-ისთვის შეიქმნა. სიმღერა Friend of Mine ოჯახური განწყობის მელოდიასა და საკლუბო ენერგიას იდეალურად აერთიანებს.
ამ კვირის მორიგი სიურპრიზი აღმოჩნდა, მომღერალ მორგან უოლენის მასშტაბური, 37 ტრეკიანი ქანთრი ალბომი I’m the Problem. ახალი პროექტი 2023 წლის წარმატებული ჩანაწერის One Thing at a Time-ის ერთგვარი გაგრძელებაა. ახალ ალბომში გვხვდება კოლაბორაციები Big Loud-ის ლეიბლის წარმომადგენლებთან, HARDY-სთან და ERNEST-თან, ასევე ერიკ ჩერჩთან. განსაკუთრებულად აღსანიშნავია უოლენის პირველი კოლაბორაცია ქალ არტისტ ტეიტ მაკრეისთან.
BTS-ის წევრის, JIN-ის სოლო კარიერა ახალ საფეხურზე გადადის, გასული წლის ნოემბრის EP-ის, Happy-ის გამოცემის შემდეგ არტისტმა ახალი, შვიდ ტრეკიანი პროექტი სახელწოდებით Echo – გამოუშვა. ეს ალბომი სიმბოლურად მის სამხედრო სამსახურიდან დაბრუნებას მოჰყვა. ის პირველი იყო BTS-ის წევრებს შორის, ვინც სავალდებულო 18-თვიანი სამსახური დაასრულა.
