22 მაისს Karol G-ს ახალი სინგლი Latina Foreva ლეიბლ Bichota Records-ის მეშვეობით გამოვიდა. ეს კომპოზიცია არტისტის 2025 წლის პირველი ნამუშევარია, რომელიც პროდიუსერებმა მაზარიმ და მისამ შექმნეს. ტექსტზე Karol G-მ და დანიელა აპონტემ იმუშავეს. სიმღერა 2000-იანი წლების რეგეტონისა და პოპ ჟღერადობით ხასიათდება, რომელიც Karol G-ს სახასიათო ენერგიული რიტმით გამოირჩევა.
კონცეპტუალური ვიდეოკლიპი პედრო არტოლას რეჟისორობით შეიქმნა, კლიპი კალიფორნიის თოვლიან მთებშია გადაღებული და კოლუმბიელი არტისტის ენერგიას გადმოსცემს, რითაც ლათინო ქალები ყოველთვის გამოირჩეოდნენ.
Karol G-მ სიმღერა პირველად 21 მაისს ინსტაგრამზე საკმაოდ თამამი ფოტოთი დააანონსა: „ახალი სინგლი, ახალი ერა,“ – დაწერა არტისტმა ფოტოს აღწერაში.
„სიმღერა Karol G-ს მუსიკალურ ფესვებთან ერთად არტისტის განვითარებასა და ტრანსფორმაციას ეხმიანება, რომელიც დინამიკურ ახალ ეტაპზე მიანიშნებს.” – აღნიშნულია ოფიციალურ განცხადებაში.
Latina Foreva – Karol G-ს ბალადის, Milagros-ის შემდეგ გამოვიდა, ეს უკანასკნელი კი Netflix-ის დოკუმენტური ფილმის, Tomorrow Was Beautiful-ის საუნდტრეკია. Milagros – Billboard-ის Hot Latin Pop Songs ჩარტში პირველ ადგილზე გავიდა.
ნახეთ Karol G-ს ვიდეოკლიპი სიმღერისთვის Latina Foreva:
