ნანი ბრეგვაძე და Kordz ერთობლივ კომპოზიციას წარადგენენ. კოლაბორაცია Kordz-მა ინსტაგრამზე გამოქვეყნებული ვიდეოფრაგმენტებით დააანონსა. როგორც ვიდეოს აღწერიდან ირკვევა, მუსიკოსებმა ნანი ბრეგვაძის 1973 წლის სიმღერის ახალი ვერსია ჩაწერეს.
Kordz და ნანი ბრეგვაძე წელს Tbilisi Open Air-ზე მსმენელის წინაშეც წარდგებიან. მუსიკოსები ფესტივალის აუდიტორიისთვის ერთობლივ ნომრებს შეასრულებენ.
ნანი ბრეგვაძის მუსიკალური კარიერა მრავალ ათწლეულს ითვლის. ის სცენაზე პირველად 6 წლის ასაკში, 1946 წელს გამოჩნდა და მსმენელს თავი რომანსების შესრულებით დაამახსოვრა. ის პირველი ქართველი მუსიკოსია, რომელიც 1964 წელს პარიზის საკულტო საკონცერტო დარბაზ L’Olympia-ს სცენაზე წარდგა. ნანი ბრეგვაძე არაერთი ჯილდოს მფლობელი და ქართული მუსიკალური სცენის ერთ-ერთი ყველაზე ავტორიტეტული შემსრულებელია.
იხილეთ Kordz-ის მიერ გამოქვეყნებული ვიდეოფრაგმენტები, რომლითაც მუსიკოსმა ნანი ბრეგვაძესთან კოლაბორაცია დააანონსა:
