ჯენიფერ ლოპესი ფილმ Kiss of the Spider Woman-ში მთავარ როლს ასრულებს. ვარსკვლავმა ფილმის პირველი თიზერი 5 ივნისს გააზიარა.
ვიდეოში ლოპესი ინგრიდ ლუნას, ჰოლივუდის კალსიკური პერიოდის მსახიობს განასახიერებს. ფილმი გვიყვება ორ პატიმარზე, ლუნასა და ტონატიუჰზე, რომლებიც არგენტინის ე.წ. “ბინძური ომის” დროს ციხეში აღმოჩნდებიან. სიუჟეტის მიხედვით, ერთ-ერთი პატიმარი მეორეს საკანში ძველი ჰოლივუდური ფილმების შთამბეჭდავ სცენებს უყვება და შემდეგ ორივე ამ სცენებს წარმოსახვაში აცოცხლებენ. ლუნასა და ტონატიუჰის გმირები ცდილობენ, მძიმე რეალობის ფონზე ერთმანეთს დაუახლოვდნენ და იხსენებენ სამყაროს, რომელიც ციხის კედლებს მიღმაა. თიზერი ასევე გვთავაზობს ლოპესის სხვადასხვა მუსიკალური ნომრების ფრაგმენტებს.
ფილმის რეჟისორი ბილ კონდონია. Kiss of the Spider Woman 1993 წლის ბროდვეის მიუზიკლის ეკრანული ადაპტაციაა. მიუზიკლი შექმნილია ტერენს მაკნელის, ჯონ კანდერისა და ფრედ ების მიერ და ეფუძნება არგენტინელი მწერლის, მანუელ პუიგის 1976 წლის ამავე სახელწოდების რომანს.
ფილმის პრემიერა შეერთებული შტატების კინოთეატრებში 10 ოქტომბერსაა დაგეგმილი.
ნახეთ ფილმის თიზერი:
