მერაია ქერის სიმღერა Type Dangerous მუსიკალურ პლატფორმებზე რამდენიმედღიანი თიზერების შემდეგ გამოჩნდა, რომელიც მომღერალმა გულშემატკივრებს სოციალურ მედიაში გაუზიარა. თავდაპირველად მერაია ქერიმ ვიდეო გამოაქვეყნა, სადაც მანქანაში იდუმალ ტრეკს სახელწოდებით T:D_MC16.mp3.-ს უსმენს. იმავე კლიპში ჩანს მანქანის სანომრე ნიშნები – MC16, რამაც გულშემატკივრები ახალი ალბომის გამოსვლაზე დააფიქრა.
გარკვეული მუსიკალური პაუზის შემდეგ Type Dangerous მერაია ქერისთვის პირველი სრულფასოვანი სინგლია. მანამდე, 2018 წელს, ხუთგზის გრემის მფლობელმა ალბომი Caution გამოსცა, მის დისკოგრაფიაში ეს მე-15 ალბომია და ის Billboard 200-ის ხუთეულში მოხვდა.
გასული წლები მომღერალმა ყოველწლიური უდიდესი ჰიტის, All I Want for Christmas Is You-ს პრომო კამპანიებში გაატარა. The Emancipation of Mimi-ს 20 წლის იუბილე მერაია ქერიმ ორდისკიანი სპეციალური გამოცემით აღნიშნა, რომელიც რემიქსებს, ბონუს ტრეკებს, რადიო ვერსიებსა და აკაპელა ჩანაწერებს მოიცავს.
მოისმინეთ მერაია ქერის სიმღერა – Type Dangerous:
