ოთხშაბათს ღამე ჯეი ზიმ სოლიდური თანხა წააგო მას შემდეგ, რაც NBA-ს ფინალის მესამე თამაში Indiana Pacers-მა მოიგო და ჯამში 2:1 ანგარიშით წინ წაიწია.
რეპერმა მილიონი დოლარი დადო პროგნოზზე, რომ Oklahoma City Thunder ფინალური სერიის ხუთ თამაშს 4:1 ანგარიშით დაასრულებდა. მესამე თამაშში Pacers-ის გამარჯვებით კი ეს უკვე შეუძლებელი გახდა. თუმცა Thunder სერიის ფავორიტი იყო და, მესამე თამაშში დამარცხების მიუხედავად, კვლავაც რჩება თასის მოგების მთავარ პრეტენდენტად.
იმ შემთხვევაში, თუ Thunder ფინალის ხუთი თამაშიდან ოთხში გაიმარჯვებდა, ჯეი ზი 2.3 მილიონ დოლარს მოიგებდა. აღსანიშნავია, რომ რეპერს თანხა Fanatics Sportsbook-ის მეშვეობით ჰქონდა დადებული, რომლის თანადამფუძნებელიც თავადაა. სპორტული ბეთინგის გარდა, ჯეი ზის სურს, რომ გემბლინგ სექტორის მნიშვნელოვანი მოთამაშეც გახდეს. მისი კომპანია Roc Nation აქტიურად მუშაობს, ნიუ-იორკის Times Square-ზე კაზინოს გასახსნელად. სანაცვლოდ კი, ქალაქის განვითარებაში 15 მილიონი დოლარის ჩადებას გეგმავს.
„ჩვენ ნიუ-იორკელები ვართ,” – თქვა ჯეი ზიმ 2024 წელს გაკეთებულ განცხადებაში. „მხარდაჭერა და ჩვენი სამეზობლოსთვის შესაძლებლობების შექმნა არ არის მხოლოდ Roc Nation-ის ეთოსის ნაწილი, ეს ჩვენი კოლექტიური პასუხისმგებლობაა.”
