ედ შირანის თქმით სიმღერა Drive სტუდიაში ჯონ მაიერთან და ბლეიკ სლატკინთან ერთად ძალიან სწრაფად შეიქმნა. „თითქოს არსაიდან სიმღერა უცბად თავისით გაჩნდა” – იხსენებს ედ შირანი. F1-ის კადრების ნახვის შემდეგ კი ჯონ მაიერმა სიმღერის რიფი დაწერა.
„კინო ჩემი ჰობია და, სპორტის გარდა, ალბათ ერთადერთი რამ არის, რის გამოც თავს ვარსკვლავური სამყაროს ნაწილად ვგრძნობ. არამხოლოდ რეჟისორები და მსახიობები, არამედ თავად ფილმის პროცესში მონაწილეობაც ჩემთვის ძალიან ბევრს ნიშნავს.” — აღნიშნა ედ შირანმა, რომლის შემდეგი სტუდიური ალბომის Play-ს გამოსვლა, სექტემბერში იგეგმება.
F1-ის საუნდტრეკ ალბომის – F1: The Album სრულად გამოცემა Atlantic Records-ის მიერ ოფიციალურად 27 ივნისს იგეგმება, იმავე დღეს, როდესაც ფილმი F1: The Movie კინოთეატრებში გამოვა.
ედ შირანის გარდა F1: The Album-ის საუნდტრეკებში ასევე შედის ისეთი ცნობილი არტისტების სიმღერები როგორებიც არიან: Doja Cat და დონ ტოლივერი, -(სიმღერით Lose My Mind), Rosé, კრის სტეიპლტონი, როდი რიჩი, მაიკ თაუერსი, ტეიტ მაკრეი, Burna Boy, RAYE და სხვა.
F1: The Album-ის პროდიუსინგი Atlantic Records-ის ერთ-ერთმა ხელმძღვანელმა და ორგზის გრემის მფლობელმა კევინ უივერმა აწარმოა, რომელმაც ასევე იმუშავა ფილმ Barbie-ის საუნდტრეკებზე.
მოისმინეთ ედ შირანის ახალ სიმღერა Drive:
