მომავალი მუსიკალური კონკურსი The Road CBS-ზე ამ შემოდგომას იწყება. პროექტში 12 დამწყები ქანთრი მუსიკის არტისტი მიიღებს მონაწილეობას. The Road ყოველ კვირა საღამოს CBS-ზე გავა და პირდაპირი ტრანსლაციით Paramount+-ზეც იქნება ხელმისაწვდომი.
პროექტი მაყურებელს იმ რეალობას გააცნობს, რაც ქანთრი არტისტის ტურნეს ახლავს: როგორ ცხოვრობენ მუსიკოსები ავტობუსში, როგორ სწავლობენ პროფესიული გზის გაგრძელებას და რა სირთულეებისა თუ გამოწვევების გადალახვა უწევთ, რათა საკუთარ მუსიკალურ მიზნებს მიაღწიონ.
შოუში მონაწილეობას ის არტისტები მიიღებენ, რომლებიც ოთხგზის გრემის მფლობელ კით ურბანის კონცერტების გახსნაზე მთელ ამერიკაში, სხვადასხვა ქალაქში გამოვლენ. თითოეულ კონცერტზე ქანთრი ვარსკვლავი გრეტჩენ უილსონი და აუდიტორია გადაწყვეტენ, თუ რომელი არტისტები გააგრძელებენ ტურნეს შემდეგ ქალაქში.
შოუს მონაწილეები არიან: ადამ სანდერსი – ლეიკ სიტი, ფლორიდა; ბილი ჯო ჯონსი – ემორი, ტეხასი; ბლეინ ბეილი – ტალეკუა, ოკლაჰომა; ბრიანა ადამსი – ვინჩესტერი, ტეხასი; ბრიტნი კელოგი – ანთემი, არიზონა; კესიდი დენიელსი – მერიონი, ჩრდილოეთ კაროლინა; ჩენინგ უილსონი – ლაფაიეტი, ჯორჯია; კოდი ჰიბარდი – ადერი, ოკლაჰომა; ფორესტ მაკარინი – ჯეფერსონ სითი, მისური; ჯენი ტოლმენი – ნეშვილი, ტენესი; ჯონ ვუდი – უეიკ ფორესტი, ჩრდილოეთ კაროლინა; ოლივია ჰარმსი – კენბი, ორეგონი.
ინსტაგრამ ვიდეოში შოუს თანაპროდიუსერმა და ქანთრი ვარსკვლავმა ბლეიკ შელტონმა განაცხადა:„საკმაოდ რთული ტურნეა, მაგრამ თუ ყველაფერს სწორად გააკეთებ, მაშინ ეს საოცრება იქნება.”
ვიდეოში კი კით ურბანი ამატებს: „ეს შოუ მთლიანად ტურნეზეა დამოკიდებული, სადაც სულ გზაში ხარ. არ ვფიქრობ, რომ ეს სამსახურია – ეს მოწოდებაა.”
ერთ-ერთ განცხადებაში შოუს კიდევ ერთმა პროდიუსერმა, ცნობილმა სცენარისტმა ტეილორ შერიდანმა აღნიშნა: „ქანთრი მუსიკაში ახლა ნამდვილი რევოლუცია მიმდინარეობს, და ბლეიკ შელტონთან და კით ურბანთან ერთად ამ რევოლუციის მომავალი ლიდერებისთვის პლატფორმის შექმნაზე მუშაობა წარმოუდგენლად საინტერესოა.“
ნახეთ შოუს The Road თრეილერი.
