Lorde-მ ახალი სტუდიური ალბომი – Virgin გამოუშვა

ალბომში 11 ახალი სიმღერაა შესული.
Lorde
Thistle Brown

ხანგრძლივი პაუზის შემდეგ Lorde-მ მსმენელს ახალი სტუდიური ალბომი წარუდგინა. 27 ივნისს მან ოფიციალურად გაავრცელა თავისი მეოთხე ალბომი, სახელად Virgin, რომელშიც 11 ახალი სიმღერაა შესული. ალბომის ტრეკლისტში ვხვდებით სინგლებს: What Was That, Man of the Year და Hammer, რომელიც მუსიკოსმა ალბომის გამოცემამდე გამოუშვა. 

ალბომის ანონსისას, რომელიც აპრილში გავრცელდა, Lorde-მ Virgin  “გამჭვირვალე” ფერს შეადარა. მისი თქმით, ეს ნამუშევარი ჰგავს ყველაფერს, რაც გამჭვირვალეა: „როგორიცაა აბაზანის წყალი, ფანჯარა, ყინული” და ასე შემდეგ. „ვცდილობდი, ჩემი თავი დამენახა – სრულად, ბოლომდე. მინდოდა, შემექმნა მასალა, რომელიც ასახავდა ჩემს ქალურობას: ნამდვილს, ინსტინქტურს, გულუბრყვილოს, ელეგანტურს, გახსნილს, სულიერს და ცოტა მასკულინურს,” – განმარტა მუსიკოსმა. 

მიუხედავად იმისა, რომ მომღერალმა ალბომში ერთნაირ ჟღერადობაზე გააკეთა აქცენტი, Virgin-ის ერთ-ერთი ყველაზე დიდი სიახლე პროდიუსერები არიან. ამ პროექტზე Lorde-მ ახალ კოლაბორატორებთან იმუშავა, მათ შორის არიან Jim-E Stack, დენ ნირო და Dev Hynes. Lorde-მ წინა ალბომების  – Melodrama-ს და Solar Power-ის ფარგლებში  ჯეკ ანტონოვთან იმუშავა, ამჯერად კი ანტონოვს არტისტთან არ უთანამშრომლია. მიუხედავად იმისა, რომ მომღერალმა ჯეკ ანტონოვს სანდო პარტნიორი უწოდა, აღნიშნა, რომ ამჯერად ინტუიციას უნდა ენდოს და თავისი გზა განაგრძოს. 

Virgin-ის გამოშვებამდე Lorde აქტიურად საუბრობდა იმაზე, თუ როგორ აისახა ალბომში სქესისა და იდენტობისადმი ახალი დამოკიდებულება. როგორც ამბობს, პოპმომღერალ Chappell Roan-თან საუბარმა უბიძგა, სიღრმისეულად გაეანალიზებინა საკუთარი იდენტობა. ”ვთქვი, მე ქალი ვარ… გარდა იმ დღეებისა, როცა კაცი ვარ,” – იხსენებს ის. „ვიცი, ეს არ არის დამაკმაყოფილებელი პასუხი, მაგრამ ჩემი რაღაც ნაწილი ჩარჩოებში მოქცევას მთელი ძალით ეწინააღმდეგება.“

მოუსმინე Lorde-ს ახალ ალბომს – Virgin

Share
Tweet
Share
Share
Share

წინა სტატია

ლალო შიფრინი, „შეუსრულებელი მისიის” კომპოზიტორი, 93 წლის ასაკში გარდაიცვალა

შემდეგი სტატია

Billboard Georgia წარმოგიდგენთ: ახალი თაობის მუსიკოსები – HELLMERRY  (ფილიპინები) 

შეიძლება დაგაინტერესოთ

NBA-ს ვარსკვლავმა კლეი ტომპსონმა, როგორც ჩანს, დაადასტურა, რომ Megan Thee Stallion-ს ხვდება

სპორტსმენის მიერ ინსტაგრამზე გამოქვეყნებულ ერთ-ერთ ფოტოში ჩანს, როგორ კოცნის ის ქალს, რომელიც, სავარაუდოდ, მეგანია.
მეტი
King Crimson წევრები 1974 წელი, Michael Ochs Archives/Getty Images

King Crimson-ის მენეჯერის თქმით, გულშემატკივრები ახალი ალბომის გამოცემის შესახებ ჭორებს არ უნდა აყვნენ

„ჯერ ნამდვილად არ ვიცით, საერთოდ გამოვა თუ არა ეს ალბომი.” - დაწერა ბენდის მენეჯერმა, დევიდ სინგლტონმა სოციალურ მედიაში.
მეტი

FIFA Club World Cup-ის ფინალის მუსიკალურ შოუზე აუდიტორიის წინაშე Doja Cat, Tems, J Balvin და Coldplay წარდგნენ

საერთაშორისო ვარსკვლავებმა მხარი დაუჭირეს გლობალური განათლების მიზანს. რაც შეეხება მატჩს – „ჩელსიმ“ 3:0 დაამარცხა „პარი სენ-ჟერმენი“ და თასი მოიპოვა.
მეტი

ისტორიული კონცერტის – Live Aid-ის 12 მუსიკალური ნომერი, რომლებიც მეტ ყურადღებას იმსახურებს

ორ მთავარ სცენაზე სულ 57 არტისტი იყო წარმოდგენილი და ეს რიცხვი არ მოიცავს ევროპაში, ავსტრალიაში, იაპონიასა და საბჭოთა კავშირში გამართულ პარალელურ კონცერტებს, რომლებიც ასევე Live Aid-ის გლობალური ტელემარათონის ნაწილი იყო.
მეტი

Backstreet Boys-ის კონცერტების სერია –  Into the Millennium ლას ვეგასში, Sphere-ის სცენაზე

კონცერტზე სიმღერები 1999 წლის ალბომ Millennium-იდან შესრულდა, თუმცა არა იმ თანმიმდევრობით, როგორც ეს 90-იანი წლების თინეიჯერებს ახსოვდათ.
მეტი

ტრევის სკოტმა ახალი ალბომის – Jackboys 2-ის გამოსვლის თარიღი დაასახელა

ტრევის სკოტის მუსიკალურ კარიერაში Jackboys 2-ის ეპოქა ოფიციალურად მიმდინარე კვირას დაიწყო, როცა რეპერმა 8 ივლისს გაავრცელა სინგლი – 2000 Excursion.
მეტი