A$AP Rocky და რიანა მესამე შვილს ელოდებიან, მაგრამ ახალი ბავშვი RZA-სა და Riot Rose-ის ძმა იქნება თუ და, ეს ჯერჯერობით უცნობია. რეპერმა კი, შესაძლოა, მედიას შემთხვევით ამ კითხვაზე პასუხი გასცა.
ფილმ Smurfs-ის ბრიუსელის პრემიერის წითელ ხალიჩაზე, Entertainment Tonight-თან საუბრისას, როკიმ, შესაძლოა, უნებლიეთ მესამე შვილის სქესი გაამჟღავნა. როცა ჰკითხეს, იყო თუ არა ის გოგო, რეპერმა ღიმილით დაუქნია თავი. თუმცა მაშინვე სცადა ეჭვების გაფანტვა და სმურფეტის რბილ სათამაშო ფიგურაზე მიანიშნა, თითქოს ჟურნალისტებს განუმარტა, რომ სწორედ ამ ლურჯ პერსონაჟს გულისხმობდა.
რაც შეეხება მამობის გამოცდილებას, A$AP Rocky-მ ET-ს უთხრა: „ჩვენ ვიქნებით, როგორც Wayans-ის ოჯახი… სიყვარული მშვენიერია.”
ფილმის მსოფლიო პრემიერა სწორედ ბელგიაში შედგა. რიანამ არა მხოლოდ გაახმოვანა სმურფეტის პერსონაჟი, არამედ ფილმის პროდიუსერის სტატუსიც მიიღო. მან ახალი სიმღერა – Friend of Mine სწორედ აღნიშნული პროექტისათვის ჩაწერა. ანიმაცია კინოთეატრების ეკრანებზე 18 ივლისიდან გამოვა.
რიანამ მესამე ორსულობა 2025 წლის მაისში Met Gala-ზე გაამხილა. ის მეტროპოლიტენის მუზეუმის კიბეებზე გამოჩნდა კაბაში, რომელიც მის გაზრდილ მუცელს უსვამდა ხაზს. Smurfs-ის პრემიერაზე კი ორსულ რიანას ცისფერი, გამჭვირვალე ტოპი ეცვა, რომელიც ასევე გამოკვეთდა მის მუცელს.
ET-სთან ინტერვიუში მომღერალმა მესამე შვილის სქესზე საუბრისგან თავი შეიკავა: „მოვიცადოთ და ვნახოთ, იქნება თუ არა სმურფეტი! შეიძლება მამა სმურფიც იყოს, ვინ იცის?”– თქვა ვარსკვლავმა.
რიანას აქამდე არაერთხელ უთქვამს, რომ გოგონას ყოლა სურს, თუმცა ძალიან უყვარს თავისი ბიჭები. პირველი შვილი RZA წყვილს 2022 წელს შეეძინა, Riot კი – 2023 წელს.
2024 წელს Interview Magazine-თან საუბარში რიანამ თქვა: „იმდენ შვილს გავაჩენ, რამდენსაც ღმერთი მომცემს. არც ვიცი, რას გადაწყვეტს ღმერთი, მაგრამ ორზე მეტს ვეცდები. ძალიან მინდა გოგო. თუმცა თუ ბიჭი იქნება, ბიჭი იყოს.“
იხილეთ A$AP Rocky-სა და რიანას კომენტარი ET-სთან:
