შავი ზღვის ჯაზფესტივალის მიმდინარეობისას ბათუმი, ტრადიციულად, იქცევა მუსიკალურ სივრცედ, რომელიც მსოფლიო დონის არტისტებს მასპინძლობს. სწორედ ამ დღეებში, ფესტივალის პარალელურად, Iveria Beach-ზე ფესტივალის სტუმრებს შესაძლებლობა აქვთ, დაესწრონ მუსიკალური საღამოების სერიას – IBIZA: The Black Sea Sidewind Sessions.
პროექტი სამდღიანი მუსიკალური ექსპერიმენტია, რომლის ფარგლებშიც ელექტრონული მუსიკის მექად ქცეული კუნძულის, იბიცას გამორჩეული არტისტები ბათუმში ჩამოვლენ. IBIZA: The Black Sea Sidewind Sessions ეხმიანება ჯაზ ფესტივალს, ავსებს მის ატმოსფეროს და კიდევ უფრო მრავალფეროვანს ხდის მსმენელის მუსიკალურ გამოცდილებას.
პროექტში მონაწილეობენ იბიცას სცენის გამორჩეული არტისტები:
პიტერ შუმანი (Peter Schumann) მსოფლიოს გარშემო მოგზაური მუსიკოსია, რომლის პერფორმანსები ბერლინის, სან-პაოლოს, თბილისისა და სხვა უამრავი ქალაქის საცეკვაო სივრცეს მოიცავს.
ხაიმე ფიორიტო (Jaime Fiorito) DJ Alfredo-ს ვაჟი და მემკვიდრეა. მისი სეტები აერთიანებს ბალეარიკულ ჟღერადობას, დისკოს, აფრო მუსიკასა და ტექნოს ელემენტებს.
კრისტიან ლენი (Christian Len) იბიცაზე დაფუძნებული ელექტრონული მუსიკის ღონისძიებების სერიის, Homies-ის თანადამფუძნებელი და რამდენიმე ლეიბლის კურატორია. არტისტი ცნობილია მუსიკალური სივრცეებისა და კომუნების შექმნით, სადაც ადამიანებს საერთო ინტერესები აკავშირებთ.
კამილო მირანდა (Camilo Miranda) იბიცაზე მდებარე ლეგენდარული ბუტიკური სასტუმროს, Pikes-ის რეზიდენტი და იბიცას ალტერნატიული სცენის ერთ-ერთი მნიშვნელოვანი სახეა. არტისტის სეტები ექსპერიმენტულ ჟღერადობებს აერთიანებს. აღსანიშნავია, რომ Pikes ცნობილია ღამის წვეულებებითა და თავისი მუსიკალური ისტორიით. სივრცე 1980-იან წლებში გახდა ცნობილი, როგორც როკ და პოპვარსკვლავების თავშეყრის ადგილი – აქ ხშირად ჩერდებოდნენ ისეთი არტისტები, როგორიც, მაგალითად, ფრედი მერკური და გრეის ჯონსი არიან.
ლუკა ავერნა (Luca Averna) არის ელექტრონული მუსიკის არტისტი და DJ, რომელსაც ათიათასობით ვინილი აქვს და სეტებით ქმნის ატმოსფეროს, სადაც ყველა ტრეკს თავისი ისტორია აქვს.
IBIZA: The Black Sea Sidewind Sessions-ის დამსწრეებს შესაძლებლობა ექნებათ, არა მხოლოდ მოუსმინონ, არამედ სრულად ჩაერთონ მუსიკალურ დიალოგში, რომელსაც მასში მონაწილე არტისტები ქმნიან.
არტისტებზე დამატებითი ინფორმაცია იხილეთ ბმულზე.
ბილეთების შესაძენად ეწვიეთ Biletebi.ge-ს.
