BLACKPINK-მა გულშემატკივრებს, ე.წ. BLINK-ებს, სიურპრიზი მოუმზადა – ჯგუფმა სოციალურ ქსელებში ახალი თიზერი გაავრცელა, რომლითაც, როგორც ჩანს, ახალ მუსიკას აანონსებენ.
ვიდეო საკმაოდ მინიმალისტურია. პოსტს აღწერის ველში ახლავს მხოლოდ ერთი კითხვა: „Ready to Jump?“, ხოლო სხვა დეტალები მითითებული არ არის.
სხვადასხვა პლატფორმაზე გამოქვეყნებულ 17-წამიან კლიპს სწრაფადვე მოჰყვა ფანების აღტაცება, რადგან ეს, შესაძლოა, ჯგუფის პირველი ერთობლივი მუსიკალური რელიზი იყოს 2022 წლის ალბომის – Born Pink-ის შემდეგ. ალბომი გამოსვლისთანავე Billboard 200-ის ჩარტის პირველ ადგილზე მოხვდა. სოციალური ქსელის კომენტარებში ჩაერთო ცნობილი ამერიკელი DJ და მუსიკალური პროდიუსერი DIPLO, რომელმაც მიანიშნა, რომ ჯგუფის ახალ მუსიკას მოუთმენლად ელის.
YG Entertainment-მა, რომელიც ჯგუფს წარმოადგენს, ივნისში Forbes-თან საუბრისას დაადასტურა, რომ BLACKPINK ახალ სიმღერას პირველად მსოფლიო ტურნეს გახსნისას წარადგენს. DEADLINE WORLD TOUR 5 და 6 ივლისის შოუებით, სეულში, Goyang-ის სტადიონზე იწყება.
ფანებს ჯერ კიდევ 1-ელი ივლისიდან გაუჩნდათ ეჭვი, რომ ახალი მუსიკა იყო მოსალოდნელი, როდესაც BLACKPINK-ის ვებსაიტზე სეულის რუკა გამოჩნდა. რუკაზე რამდენიმე პოპულარული ადგილი იყო მონიშნული, თუმცა ორ წერტილზე ეწერა: DO NOT JUMP, რამაც გააჩინა ვარაუდი, რომ ჯგუფის ახალ კომპოზიციას Jump ერქმევა.
ჯგუფის გაერთიანება მას შემდეგ მოხდა, რაც ოთხეული – ROSÉ, LISA, JENNIE და JISOO გარკვეული დროის განმავლობაში სოლო პროექტებზე მუშაობდნენ. ROSÉ-მ ინსტაგრამის Story-ში BLACKPINK-ის დაბრუნება დაადასტურა – მან გააზიარა ძველი გამოსვლების ვიდეოკადრები და მსმენელებს შეახსენა, რომ ჯგუფი მსოფლიო ტურნეს იწყებს.
იხილეთ BLACKPINK-ის ახალი თიზერი:
