არტისტმა გიორგი თორაძემ, სასცენო სახელით Torcho, ახალი მუსიკალური ვიდეო გაავრცელა. კლიპი გადაღებულია სიმღერაზე „გეწყინა?!”, რომლის მუსიკისა და ტექსტის ავტორი გიორგი სანოძე გახლავთ, რეჟისორი კი – ნუცა ჩაკვეტაძე.
Torcho-მ სოლო კარიერა 2024 წელს დაიწყო, როცა მსმენელს ჯაზ-ფანკის ჟღერადობის სადებიუტო ნამუშევარი Karma და მასზე გადაღებული ვიდეოკლიპი წარუდგინა. მაშინ არტისტმა Billboard Georgia-სთან საუბარში აღნიშნა, რომ ეს იყო „მისი მუსიკალური შემოქმედების ახალი თავის დასაწყისი“.
„გეწყინა?!” Torcho-ს რიგით მეორე მუსიკალური ვიდეოა, რომელიც ვიზუალურად მკვეთრად კინემატოგრაფიულია და არტისტის სოლო კარიერის განვითარებას განაგრძობს.
იხილეთ Torcho-ს ახალი ვიდეოკლიპი:
