ვიეტნამელი მუსიკოსი RHYDER 2001 წელს დაიბადა. მისი სრული სახელია: ნგუიენ კუანგ ანჰი. იგი ვიეტნამურ მუსიკაში ახალ მიმდინარეობას ქმნის, სადაც ერთმანეთს რეპი, R&B, პოპი და ინტროსპექცია ერწყმის. RHYDER-მა 2013 წელს The Voice Kids Vietnam-ში გაიმარჯვა, ამ მიღწევის შემდეგ კი არტისტმა საკუთარ მუსიკალურ განვითარებას წლები დაუთმო. ამ პერიოდის განმავლობაში სწავლობდა ჯაზ ინსტრუმენტებზე დაკვრას, მუშაობდა ვოკალზე და წერდა სიმღერებს.
RHYDER-მა წარმატების გზა ვიეტნამის ერთ-ერთი ყველაზე პოპულარული მუსიკალური რეალითი შოუს, Rap Việt-ის მესამე სეზონიდან დაიწყო, სადაც აუდიტორიას ტექნიკური ოსტატობით და ამბავზე დაფუძნებული თხრობით დაამახსოვრა თავი. შოუში RHYDER ტოპ ცხრა მონაწილეს შორის მოხვდა. მისი მუსიკა თვითდაკვირვებასა და ჟანრების მრავალფეროვნებაზე ორიენტირებულ სტილად ჩამოყალიბდა, რომელიც პოპ-ბალადებსა და მელოდიურ რეპ ჟღერადობას აერთიანებს.
2024 წელს RHYDER-მა კრიტიკოსების და მსმენელის მოწონება ორი ჰიტ სიმღერით დაიმსახურა: Sau Cơn Mưa (After the Rain), რომელიც COOLKID-თან მონაწილეობით შეიქმნა და წლის ტოპ ათ ადგილობრივ სიმღერათა სიაში მოხვდა. მეორე სიმღერა კი Chịu Cách Mình Nói Thua (Accept the way I say it), COOLKID-სა და BAN-თან თანამშრომლობით ჩაწერა და ის ტოპ ხუთეულში მოხვდა. ორივე ჰიტი IFPI-ს ვიეტნამის ოფიციალური ჩარტის მიერ არის აღიარებული.
RHYDER-მა მსმენელს სხვა რელიზებითაც დაამახსოვრა თავი, მისი გამორჩეული ტრეკებია: Dân Chơi Sao Phải Khóc (People who play Star Must Cry) და Anh Biết Rồi (You Know That), ამ სიმღერებმა კიდევ უფრო გააფართოვა არტისტის შემოქმედებითი არეალი, სადაც პოპ-როკი, ტრეპი და რეპ მიმდინარეობებია გაერთიანებული.
RHYDER ცნობილი ვიეტნამური მუსიკალური რეალითი შოუს, Anh Trai ‘Say Hi’-ის 2024 წლის სეზონში მეორე ადგილზე გავიდა, რის შემდეგაც არტისტმა სადებიუტო პროექტზე მუშაობა დაიწყო. ახალი ალბომის გამოსვლა კი 2025 წლის ბოლოს იგეგმება. ვიეტნამის პოპულარული მუსიკალური შოუ nh Trai ‘Say Hi’ გამოჩენილ ახალბედა მომღერლებს საშუალებას აძლევს, თავიანთი უნიკალური სტილი წარმოაჩინონ. სწორედ ამის ნათელი მაგალითია – RHYDER, რომელმაც ქვეყნის მასშტაბით, გულწრფელი ემოციებითა და ჟანრობრივი მრავალფეროვნებით მალვე მიიქცია საზოგადოების ყურადღება.
RHYDER-ის მომავალი ალბომი მის მუსიკალურ გზას ასახავს, რომელიც მრავალჟანრობრივი სტილის მიუხედავად, საკუთარი ხელწერისა და ემოციური თხრობის ერთგული რჩება.
პოეტური ტექსტებით, მელოდიური ჟღერადობით და მრავალფეროვანი მუსიკალური სინთეზით RHYDER ახალ მუსიკალურ აღქმას აყალიბებს, – თუ რას ნიშნავს, იყო Gen Z არტისტი თანამედროვე ვიეტნამურ მუსიკალურ სცენაზე.
