წინანდლის ფესტივალი ინსტაგრამის გვერდზე ავრცელებს ვიდეოს, რომელშიც პიანისტი და მუსიკისმცოდნე ნინო ჟვანია გვიყვება კენტ ნაგანოს შესახებ – ერთ-ერთ გამორჩეულ დირიჟორზე, რომელიც 10 სექტემბერს ფესტივალის ფარგლებში პიანისტ ნიკოლაი ლუგანსკისა და პან-კავკასიური ორკესტრის მონაწილეობით დაგეგმილ კონცერტს უდირიჟორებს.
„ნაგანო ცნობილია არა მხოლოდ თავისი უზადო სადირიჟორო ტექნიკითა და ინტერპრეტაციების ინტელექტუალური სიღრმით, არამედ იმითაც, რომ ხშირად არღვევს ტრადიციულ ჩარჩოებს და თამამად უთავსებს კლასიკას თანამედროვე ინოვაციებს. მაგალითად, მას ფრენკ ზაპასთან ერთად აქვს ჩაწერილი ალბომები,“ – ამბობს ნინო ჟვანია ვიდეოში.
წინანდლის ფესტივალი 2025 წლის 4 სექტემბერს მე-7 სეზონს გახსნის. 11 დღის განმავლობაში ღონისძიება კლასიკური მუსიკის არაერთ ადგილობრივ და საერთაშორისო ვარსკვლავს უმასპინძლებს.
იხილეთ ვიდეო:
