სელენა გომესმა თავისი 33-ე დაბადების დღე რამდენიმე დღით ადრე საყვარელ ადამიანებთან ერთად აღნიშნა. მათ შორის იყო ვარსკვლავის საქმრო ბენი ბლანკო და ახლო მეგობარი ტეილორ სვიფტი. გომესმა დაბადების დღის წვეულების ამსახველი ფოტოგალერეა ინსტაგრამზე გააზიარა და მასთან ერთად პოსტიც გამოაქვეყნა, რომელშიც გასულ წელს შეეხო.
როგორც ჩანს, წვეულება ლოს-ანჯელესში გაიმართა, გომესის დაბადების დღის რეალურ თარიღამდე – 22 ივლისამდე რამდენიმე დღით ადრე. ერთ-ერთ ფოტოში, რომელიც სახურავზეა გადაღებული, სავარაუდოდ, ჰოლივუდის რუზველტის სასტუმროს ნიშანი ჩანს. კიდევ ერთი ფოტო კი გომესის და ბლანკოს კოცნას ასახავს. სხვა კადრში ის ტეილორ სვიფტთან ერთად პოზირებს ბუშტებით გაფორმებულ სივრცეში.
„როდესაც 33-ე დაბადების დღის აღნიშვნისთვის ვემზადებოდი, სურვილი გამიჩნდა, გამეხსენებინა საოცარი გზა, რომელმაც აქამდე მომიყვანა. გასული წელი ყველაზე ლამაზი პერიოდი იყო ჩემს ცხოვრებაში და ამაში თქვენ დიდი წვლილი მიგიძღვით. მადლობელი ვარ თქვენი მუდმივი სიყვარულისა და სიკეთისთვის. თქვენ მგულშემატკივრობდით და თანადგომას იჩენდით კარგ თუ რთულ დღეებში, ან უბრალოდ ყურადღებით მისმენდით – თქვენ ეს წელი დაუვიწყარ გამოცდილებად აქციეთ. უკიდურესად მადლიერი ვარ თქვენი სიყვარულისთვის. ახლა, როცა ახალ წელს ვიწყებ, სავსე ვარ მოლოდინით და მომავლის იმედით. მოუთმენლად ველი, გაგიზიაროთ უფრო მეტი, შევქმნა ახალი მოგონებები და გავაგრძელო ეს მშვენიერი მოგზაურობა. სიგიჟემდე მიყვარხართ ყველა,“ – წერს სელენა გომესი.
იხილეთ სელენა გომესის დაბადების დღის წვეულების ფოტოალბომი, რომელიც ვარსკვლავმა საკუთარ ინსტაგრამზე გამოაქვეყნა.
