24 ივლისს პოლ თომას ანდერსონის ფილმის, One Battle After Another-ის ტრეილერი გამოქვეყნდა, რომლის საუნდტრეკიც ბიონსესა და კენდრიკ ლამარის კოლაბორაციით შექმნილი სიმღერაა, სახელწოდებით – Freedom. ის ბიონსეს ალბომ Lemonade-შია შესული.
ფილმ One Battle After Another-ის პრემიერა 26 სექტემბერსაა დაგეგმილი, სადაც მთავარ როლს ლეონარდო დიკაპრიო, ტეიანა ტეილორი, რეგინა ჰოლი და შონ პენი ასრულებენ. მსახიობთა გუნდში ასევე არიან ბენისიო დელ ტორო და რეგინა ჰოლი.
აპრილში CinemaCon-ზე ლეონარდო დიკაპრიომ ფილმის შესახებ ისაუბრა: “ეს არის უდიდესი მასშტაბისა და დიაპაზონის ფილმი. ბევრი სცენარისტ-რეჟისორი მკაცრად განსაზღვრულ ჩარჩოებში მუშაობს, თუმცა ანდერსონს მსახიობებთან ურთიერთობის განსაკუთრებული მიდგომა აქვს.”
ფილმის კომპოზიტორი ჯონი გრინვუდია. გადაღებები კალიფორნიაში მიმდინარეობდა.
ჯასტ ბლეიზის პროდიუსერობით შექმნილი სიმღერა Freedom ბიონსეს 2016 წლის ალბომ Lemonade-შია შესული, რომელიც ბიონსეს პირველი თანამშრომლობაა კენდრიკ ლამართან. გოსპელ-როკის ელემენტებით გაჯერებული კომპოზიცია გრემის დაჯილდოებაზეც იყო ნომინირებული, Billboard Hot 100-ის ჩარტში კი მან 35-ე ადგილი დაიკავა.
ნახეთ ფილმის ტრეილერი: One Battle After Another:
