BLACKPINK-მა ლონდონის უემბლის სტადიონზე სიმბოლურად გაიხსენა Spice Girls, როცა K-pop ჯგუფი Deadline World Tour-ის ფარგლებში გამართული ორდღიანი შოუს ფინალურ კონცერტს ხურავდა. ეს იყო ჯგუფის პირველი ვიზიტი მას შემდეგ, რაც 2023 წელს მუსიკალური კოლექტივი მსმენელის წინაშე BST Hyde Park-ზე წარდგა. BLACKPINK-მა 16 აგვისტოს გამოსვლა მოულოდნელი სიურპრიზით დაასრულა – ჯგუფმა Spice Girls-ის სადებიუტო სინგლი Wannabe შეასრულა. სიმღერამ, რომელიც 1997 წელს Billboard Hot 100-ის ჩარტში ოთხი კვირა ლიდერობდა, მაყურებელი ერთხმად აამღერა.
ეს არ ყოფილა პირველი შემთხვევა, როცა JENNIE, LISA, JISOO და ROSÉ ამ სიმღერას ასრულებენ. 2023 წელს მათ ეს ჰიტი ჯეიმს კორდენის The Late Late Show-ს მუსიკალურ სეგმენტში – Carpool Karaoke-ში უკვე იმღერეს. LISA-მ წამყვანთან აღიარა, რომ ბავშვობაში Spice Girls-ზე იყო შეყვარებული, ხოლო JENNIE-ს თქმით, ის აღფრთოვანებული იყო იმით, რომ თითოეულ წევრს საკუთარი, განსხვავებული პიროვნება ჰქონდა.
აღსანიშნავია, რომ BLACKPINK-ის ბოლო სინგლში – Jump ისმის ფრაზა: „spice up your life”, რაც პირდაპირი მიანიშნებს Spice Girls-ის 1997 წლის ალბომის, Spiceworld-ის გამხსნელ კომპოზიციაზე. BLACKPINK-ის Jump გამოსვლისთანავე Billboard-ის გლობალურ ჩარტებში პირველ ადგილზე მოხვდა.
