ამ წელს ქარდი ბის ცხოვრებაში უამრავი სიახლეა, რის გამოც მომღერალი თავის ახალ ეტაპს „ძალიან პირადულს” უწოდებს. მეორე ალბომ Am I the Drama?-ზე მუშაობის პარალელურად ქარდი ამ ყველაფერზე სოციალურ ქსელში გულახდილად საუბრობს.
„ჩემი ცხოვრების ეს თავი ძალიან პირადულია,” – წერს მომღერალი. „ბევრჯერ დავუმტკიცე ადამიანებს, რომ ცდებოდნენ. ახლა კი დროა, ეს ჩემს თავს დავუმტკიცო.”
პოსტს თან ახლავს ჯეი-ზის Imaginary Players, რომელიც ქარდიმ დასემპლა სინგლში Imaginary Playerz. სინგლი და მისი თანმხლები ვიდეოკლიპი პარასკევს, 15 აგვისტოს გამოვიდა.
კვირის დასაწყისში კი ქარდიმ გაამხილა, რომ ჯეი-ზიმ მისი Imaginary Playerz მოიწონა. „რომ არ მოსწონებოდა, ალბათ ამის აღქმა არც ისე გამიჭირდებოდა, რადგან ვიფიქრებდი: კარგი, ალბათ უფრო უნდა მომენდომებინა,” – ამბობს ქარდი. „მაგრამ მიხარია, რომ მოვინდომე და მასაც მოეწონა.”
2024 წელს Offset-თან მეორედ განქორწინების შემდეგ ქარდი ახალ ურთიერთობაშია NFL-ის ვარსკვლავ სტეფონ დიგსთან.
Imaginary Playerz მოჰყვება სინგლს Outside. ქარდი ამჟამად მეორე ალბომის გამოცემისთვის ემზადება, რომლის გამოსვლაც 19 სექტემბერს იგეგმება.
