ტეილორ სვიფტის ერთ-ერთი ყველაზე ახლო მეგობრის სტატუსით, ზოი კრავიცმა ერთ-ერთმა პირველმა მოისმინა პოპვარსკვლავის ახალი ალბომის, The Life of a Showgirl-ის სიმღერები.
მსახიობის თქმით, მისი საუკეთესო მეგობრის მომავალი LP ნამდვილად იმსახურებს იმ მოლოდინს და მღელვარებას, რაც ალბომის დაანონსებისთანავე გაჩნდა. „ალბომის ნაწილი მოვისმინე. ფანტასტიკურია!“ – თქვა კრავიცმა Extra-სთან ინტერვიუში, სადაც ახალ ფილმზე, Caught Stealing-ზე სასაუბროდ მიიწვიეს.
კრავიცის შეფასებით, ტეილორის ალბომში არცერთი სიმღერა არ არის ისეთი, რომელსაც ბოლომდე არ მოუსმენ. ჟურნალისტმა აღნიშნა, რომ დღესდღეობით ასეთი ალბომები იშვიათობაა, კრავიცმა კი უპასუხა: „მის [ტეილორ სვიფტის] შემთხვევაში – არა.“
ზოი კრავიცს და სვიფტს მრავალწლიანი მეგობრობა აკავშირებთ. გარდა ამისა, ვარსკვლავები წარსულში პროფესიულადაც გადაიკვეთნენ. მაგალითად, კრავიცი სვიფტის ალბომის, Midnight-ის გამხსნელი ტრეკის – Lavender Haze-ის თანაავტორია.
მათი ურთიერთობა იმდენად ახლოა, რომ კრავიცი და მისი დედა, ლიზა ბონე ტეილორის ერთ-ერთ სახლში რჩებოდნენ მას შემდეგ, რაც ლოს-ანჯელესის ხანძრების გამო საკუთარი სახლის დატოვება მოუხდათ. იქ ყოფნისას, სვიფტის სააბაზანოში შემთხვევით დაკარგეს ბონეს შინაური გველი ორფეუსი. ამის გამო მომღერლის მენეჯერი იძულებული გახდა, კარადები დაეშალა, რათა რეპტილია ეპოვა.
„ტეილორის აბაზანა მთლიანად დავანგრიეთ და ის მომენტი დადგა, როცა ვიფიქრე: ან აბაზანას ვანადგურებთ, ან უნდა ვუთხრა, რომ სახლში სადღაც გველი დაიკარგა. მახსოვს, რომ დავურეკე და ვუთხარი: „რაღაცაზე მინდა გესაუბრო” და მან მიპასუხა: „ეს ის შემთხვევაა, როცა სახლში გველი დაკარგე და აბაზანა დამინგრიე?” – გაიხსენა კრავიცმა Late Night With Seth Meyers-ში ბოლო სტუმრობოსას.
კრავიცის კომენტარები Showgirl-ზე მას შემდეგ გავრცელდა, რაც სვიფტმა დააანონსა, რომ მისი მე-12 სტუდიური ალბომი 3 ოქტომბერს გამოვა. ალბომი 12 ტრეკს მოიცავს და მათ შორის არის დუეტი საბრინა კარპენტერთან.
„[ალბომი] ბევრად უფრო ენერგიული და მხიარულია,“ – თქვა სვიფტმა New Heights-ის პოდკასტში, რომელიც მის შეყვარებულს, ტრევის კელსის ძმასთან, ჯეისონ კელსისთან ერთად მიჰყავს.
