ოთხი თვის წინ სელენა გომესმა, ბენი ბლანკომ და The Marias-მა სიმღერა – Ojos Tristes გამოუშვეს და მან Billboard-ის ლათინური პოპ სიმღერების (Hot Latin Pop Songs) ჩარტის პირველი ადგილი დაიკავა. ამჯერად კი სინგლმა ლათინურ პოპ რადიოჩარტზე – Latin Pop Airplay-ზე – მე-2 ადგილიდან 1-ელ პოზიციაზე გადაინაცვლა.
8 –14 აგვისტოს პერიოდში სიმღერამ Latin Pop Airplay-ს ჩარტის პირველ ადგილს 8.3 მილიონი მსმენელით მიაღწია. ეს მაჩვენებელი გასულ კვირასთან შედარებით 21%-იანი ზრდაა. ჩარტის შედეგები სტრიმინგის მონაცემებით, რადიო-აუდიტორიის მაჩვენებლით და ციფრული გაყიდვების მიხედვით ანგარიშდება. ამ მონაცემებით, გამოცემიდან ოთხი თვის შემდეგ, Ojos Tristes აშშ-ის მასშტაბით გახდა ყველაზე მოსმენადი სიმღერა ლათინურ პოპ რადიოსადგურებზე.
გომესისთვის ეს ჩარტის მესამე ლიდერი სიმღერაა. პირველად ეს შედეგი 2018 წელს DJ Snake-თან ერთად ჩაწერილმა Taki Taki-მ დააფიქსირა, შემდეგ კი – 2021 წლის Baila Conmigo-მ, რომელიც გომესმა Rauw Alejandro-სთან ერთად ჩაწერა. Ojos Tristes Hot Latin Pop Songs-ის ჩარტშიც უკვე მე-13 კვირაა, ლიდერობს.
Ojos Tristes სელენა გომესის და ბლანკოს ერთობლივი ალბომის, I Said I Love You First-ის მეოთხე სინგლია. ალბომმა Billboard 200-ის ჩარტში მეორე პოზიცია დაიკავა.
Latin Pop Airplay-ს ლიდერობის შემდეგ Ojos Tristes ასევე დაწინაურდა Latin Airplay ჩარტშიც, სადაც მე-6-დან მე-3 პოზიციაზე გადაინაცვლა, რაც გომესისთვის 2021 წლის Baila Conmigo-ს შემდეგ ახალი რეკორდია.
