დუა ლიპას ჰიტი Levitating ახალი სიმაღლეების დაპყრობას განაგრძობს – სიმღერის ვიდეოკლიპმა ახლახან YouTube-ზე უკვე ერთი მილიარდი ნახვა დააგროვა. 2017 წლის New Rules-ისა და No Lie-ს შემდეგ, ეს არის მომღერლის მესამე ვიდეო, რომელმაც ამ ნიშნულს მიაღწია.
ვიდეო ვორენ ფუმ TikTok-თან თანამშრომლობით გადაიღო. კლიპში დუა ლიპას ასევე უერთდება ამერიკელი რეპერი DaBaby.
Levitating დუა ლიპას 2020 წლის ალბომის – Future Nostalgia-ს ერთ-ერთი მთავარი სინგლია და გამოშვებისთანავე ჰიტად იქცა. 2025 წლის მონაცემებით, ის უკვე 21-ე საუკუნის მეცხრე ყველაზე დიდი ჰიტია Hot 100-ში და ჩარტში მიღწეული წარმატებით უსწრებს ისეთ სიმღერებს, როგორებიცაა ჰარი სტაილსის As It Was და Post Malone-ის Circles.
Levitating-ის გამოცემის შემდეგ ბევრი რამ შეიცვალა: დუა ლიპა დაინიშნა მსახიობ კალუმ ტერნერზე, 2024 წელს გამოუშვა ალბომი Radical Optimism და ასევე შემოქმედებითი თანამშრომლობა გაწყვიტა DaBaby-სთან მას შემდეგ, რაც რეპერმა 2021 წელს ჰიპ-ჰოპ ფესტივალ Rolling Loud-ზე ჰომოფობიური განცხადებები გააკეთა.
„DaBaby-ს კომენტარებმა გამაოცა და შემზარა. ვეღარ ვცნობ ადამიანს, ვისთანაც ვთანამშრომლობდი,” – დაწერა დუა ლიპამ 2021 წელს. ვარსკვლავმა პოსტი მას შემდეგ გამოაქვეყნა, რაც რეპერმა სცენიდან შეურაცხმყოფელი დეზინფორმაცია გაავრცელა LGBTQ+ თემისა და HIV/AIDS-ის შესახებ.
ნახეთ Levitating-ის ვიდეოკლიპი:
