ცნობილი ქართველი კომპოზიტორი, ავტორ-შემსრულებელი და მუსიკოსი მამუკა ჩარკვიანი გარდაიცვალა. ამის შესახებ ინფორმაცია სოციალურ ქსელში მისი ოჯახის წევრებმა 21 აგვისტოს გაავრცელეს. ხელოვანს 24 აგვისტოს 70 წელი შეუსრულდებოდა.
მამუკა ჩარკვიანი 1955 წელს დაიბადა. ბავშვობიდანვე დამოუკიდებლად დაეუფლა გიტარასა და როიალზე დაკვრას. წლების განმავლობაში შექმნა და შეასრულა მრავალი სიმღერა, რომელთაგან ბევრი ჰიტად იქცა და საზოგადოებაში დიდი პოპულარობით სარგებლობდა. მისი სიმღერები არაერთი თაობისთვის იქცა ნაცნობ ჟღერადობად და მრავალმა ცნობილმა შემსრულებელმა შეიტანა საკუთარ რეპერტუარში.
