29 აგვისტოს მუსიკოსმა ქეთათო ნერგაძემ ახალი სიმღერა, სახელწოდებით Sevda და მასთან ერთად ვიდეოკლიპი გამოუშვა. როგორც თავად ავტორი ამბობს, მისი შთაგონების წყარო პირადი გამოცდილებები იყო.
ქეთათო ნერგაძე – მუსიკოსი:
„სიმღერა ქართულია და მას Sevda ჰქვია. ყველაფერი სახლში, ჩემით დავწერე, ინსპირაცია კი პირადი გამოცდილებებიდანაა აღებული. მიქსინგი და მასტერინგი გიორგი ქორიძეს ეკუთვნის, მასვე მიუძღვის წვლილი პროდიუსინგში. რაც შეეხება კლიპს, იდეა ჩემია, ზუკა სიმონიშვილმა გადაიღო და გიორგი ხვიტია დაგვეხმარა. კლიპში მისი პიკაპი გამოვიყენეთ, რომელსაც თავად მართავდა, მინდია ინასარიძემ გააკეთა ვიდეოზე ფერის კორექცია, რამაც ზუსტად ის ატმოსფერო შეუქმნა გამოსახულებას, როგორიც სიმღერას სჭირდებოდა. ვიდეო ერთი მთლიანი, უწყვეტი კადრით არის გადაღებული. სულ მინდოდა, ასეთი მარტივი კლიპი გადამეღო. მთელი პროცესი ძალიან სპონტანური და საინტერესო აღმოჩნდა. წითელი მთვარეც ამოვიდა და გზაზე მელიამაც გადაგვირბინა (რაც იღბლის ნიშანია).“
Sevda-ს კლიპში კადრის უწყვეტობა მის სიმარტივესა და ბუნებრიობას უსვამს ხაზს. როგორც თავად არტისტი აღნიშნავს, ამ პროექტში მეგობრული გარემო, სპონტანურობა და სიმბოლური დეტალები განსაკუთრებით მნიშვნელოვანი იყო, რამაც გადაღების პროცესი დაუვიწყარ თავგადასავლად აქცია.
ნახეთ ქეთათო ნერგაძის ახალი ნამუშევარი Sevda:
