29 აგვისტოს საბრინა კარპენტერმა მეშვიდე სტუდიური ალბომი – Man’s Best Friend გამოუშვა. ალბომი 12 სიმღერას მოიცავს, მათ შორის არის წამყვანი სინგლი Manchild, რომელმაც ივნისში კარპენტერს Billboard Hot 100-ის ჩარტში პირველი ადგილი მოუტანა. ეს მომღერლის მეორე ჰიტია, რომელიც ჩარტის ლიდერად იქცა. ალბომში ასევე შესულია სინგლი Tears, რომლის ვიდეოკლიპის პრემიერაც ალბომის გამოსვლასთან ერთად შედგა.
Man’s Best Friend, რომელიც ლეიბლ Island Records-ზე გამოიცა, ჯეკ ანტონოფის პროდიუსერობით არის შექმნილი. Best Friend-ის გამოშვებამდე სულ რაღაც ერთი წლით ადრე საბრინა კარპენტერმა ალბომი Short n’ Sweet გამოუშვა. 2024 წლის ამ პროექტში შედიოდა ჰიტები – Espresso და Please Please Please, რომელიც Billboard 200-ის ჩარტში ოთხი კვირა ლიდერობდა. პოპვარსკვლავისათვის ეს პირველი ალბომი იყო, რომელმაც ამ ჩარტის ლიდერის სტატუსი დაიმსახურა.
Short n’ Sweet-ის და ახლა უკვე Man’s Best Friend-ის მეშვეობით მომღერალმა თავი დაიმკვიდრა, როგორც ალეგორიული, ორმაგი მნიშვნელობის ტექსტების ოსტატმა. მისი სიმღერების შინაარსი ხშირად თამამად სექსუალურ თემებს ეხება.
„ეს ალბომი ნამდვილად არ არის მათთვის, ვინც ყველაფერს განსჯის, მაგრამ ვფიქრობ, რომ ასეთი ადამიანებიც კი, თუ მარტოობაში მოუსმენენ [ალბომს], რაღაცას მაინც იპოვიან, რაც მათში ღიმილს ან სიცილს გამოიწვევს,”– უთხრა არტისტმა გეილ კინგს CBS Mornings-თან ინტერვიუში, რომელიც ასევე 28 აგვისტოს გამოქვეყნდა.
მოუსმინეთ ალბომს:
