ყველაფერი ნამდვილად რომანტიკულია „ქარიშხლიანი უღელტეხილის” ემერალდ ფენელისეული ეკრანიზაციის ტრეილერში, რომლის საუნდტრეკიც Charli xcx-ის მუსიკაა.
გავრცელებულ ტრეილერში მარგო რობი და ჯეიკობ ელორდი ემილი ბრონტეს საკულტო რომანის პერსონაჟებს, კეთრინსა და ჰითკლიფს განასახიერებენ. კადრებს კი ფონად ბრიტანელი პოპვარსკვლავის ალბომის, Brat-ის სიმღერა Everything Is Romantic გასდევს.
ტრეილერში მაყურებელი პირველად ხედავს ახალი ეკრანიზაციის კადრებს, რომლის გამოსვლაც ვალენტინობის დღესაა დაგეგმილი.
ვიდეო საკუთარ სოციალურ გვერდზე თავად Charli xcx-მაც გამოაქვეყნა და გაამხილა, რომ Everything Is Romantic არ არის მისი ერთადერთი სიმღერა, რომელიც ფილმში გაიჟღერებს. „ჩემ მიერ შექმნილი ახალი ორიგინალური სიმღერები ემერალდ ფენელის „ქარიშხლიანი უღელტეხილისთვის”, რომელშიც მარგო რობი და ჯეიკობ ელორდი თამაშობენ,” – დაწერა ჩარლიმ. „14 თებერვალს კინოთეატრებში. წინასწარ გილოცავთ ვალენტინობას.”
„ქარიშხლიანი უღელტეხილი” ბოლო ფილმია, რომელზეც ჩარლიმ წარმატებული 2024 წლის შემდეგ იმუშავა, როცა Billboard 200-ის მესამე ადგილის მფლობელი ალბომი Brat გამოსცა. მუსიკოსი მანამდე გამოჩნდა ფილმებში Erupcja და 100 Nights of Hero.
„მსიამოვნებს გადაღებაზე ყოფნა და დიდი რეჟისორებისა და მსახიობებისგან სწავლა,” – უთხრა ჩარლიმ Variety-ს დეკემბერში. „არ მიყვარს, როცა მუსიკოსები მიმართულებას იცვლიან ამ სფეროს კვლევისა და სწავლის გარეშე. ამიტომ ბოლო 3-4 წლის განმავლობაში ძალიან ბევრი რამ წავიკითხე, რათა ცოდნა მიმეღო, სანამ რეალურად რამეს გავაკეთებდი.”
ნახეთ ემერალდ ფენელის მიერ გადაღებული „ქარიშხლიანი უღელტეხილის” ტრეილერი:
