მუსიკის მოყვარულებს კვირის განმავლობაში მოსასმენად საკმარისად ბევრი სიმღერა დაუგროვდათ. 5 სექტემბერს ყურადღების ცენტრში მოექცა ჯასტინ ბიბერიც, რომელმაც ერთი დღით ადრე დააანონსა 2025 წლის რელიზის მეორე ნაწილის გამოსვლა. სიმბოლურად, ალბომ Swag-ის შემდეგ, ახალი პროექტის სახელწოდებაა Swag II. ბიბერმა კიდევ რამდენიმე მუსიკოსი მიიწვია პროექტზე სამუშაოდ, რომელშიც მონაწილეობენ არტისტები: Tems, Hurricane Chris და Eddie Benjamin.
პოპ სივრცეში Lady Gaga ახალი სიმღერით, The Dead Dance-ით წარდგა, რომელიც სპეციალურად Netflix-ის სერიალ Wednesday-ს მეორე სეზონისთვის შეიქმნა. დისკო სტილის რიტმული ბასი ხაზს უსვამს სიმღერის ენერგიულ ჟღერადობას, რომელიც Lady Gaga-ს უახლეს დენს-პოპ ეპოქასაც კარგად ეწყობა.
ამავდროულად, დრეიკი ახალი პროექტის, Iceman-ის გამოშვებას აგრძელებს, ამჯერად ახალი სიმღერით Somebody Loves Me Pt. 2, სადაც $ome $exy $ongs 4 U-დან მისი პარტნიორი PartyNextDoor და ჰიპ-ჰოპ ვარსკვლავი Cash Cobain იღებენ მონაწილეობას.
გარდა ამისა, მუსიკოსი Big Thief ახალი ალბომით, სახელწოდებით Double Infinity დაბრუნდა. ასევე კელვინ ჰარისმა და ჯესი რეიზმა შექმნეს კოლაბორაციული სიმღერა – Ocean, ხოლო 3Quency-მ ახალი ტრეკი Top Down გამოუშვა.
