Bad Bunny რეკორდების დამყარებას აგრძელებს. მას შემდეგ, რაც 2025 წლის Billboard Latin Music Awards-ის ფინალისტთა სიაში ისტორიული 27 ნომინაციით ლიდერობდა, პუერტო-რიკოელმა სუპერვარსკვლავმა YouTube-ზე კიდევ ერთ მნიშვნელოვან წარმატებას მიაღწია.
მუსიკოსის 2023 წლის ჰიტის – Un x100to-ს ვიდეოკლიპი, რომელიც Grupo Frontera-სთან თანამშრომლობით შეიქმნა, YouTube-ის Billion Views Club-ს შეუერთდა. ეს უკვე მე-17 ვიდეოა Bad Bunny-ს კარიერაში, რომელმაც მილიარდ ნახვას მიაღწია.
სიმღერა Billboard Global 200-სა და Billboard Global Excl. U.S. ჩარტებში ერთდროულად მოხვდა პირველ ადგილზე. Un x100to-ს პროდიუსირები და კომპოზიციის ავტორები ცნობილი ლათინო-ამერიკელი ჰიტმეიქერები – ედგარ ბარერი და MAG არიან.
ამჟამად, YouTube-ის Global Top Artists ჩარტის მიხედვით, Bad Bunny მე-10 პოზიციას იკავებს, ხოლო Grupo Frontera 62-ე ადგილზეა.
რაც შეეხება Billboard Latin Music Awards 2025-ის ნომინაციებს, Bad Bunny წარდგენილია ისეთ კატეგორიებში, როგორიცაა წლის არტისტი, წლის სიმღერის ავტორი და წლის საუკეთესო ლათინური ალბომი (Debí Tirar Más Fotos). Grupo Frontera კი შვიდ კატეგორიაშია ნომინირებული.
ნახეთ Bad Bunny-ს და Grupo Frontera-ს ვიდეოკლიპი, რომელიც გადაღებულია ტრეკზე – Un x100to:
