12 სექტემბერს სხვადასხვა ჟანრის მუსიკოსებმა ახალი ნამუშევრები გამოაქვეყნეს, მათ შორისაა ოთხგზის გრემის ჯილდოს მფლობელი ედ შირანი, რომელმაც თავისი მერვე სტუდიური ალბომი Play გამოსცა. 13-ტრეკიანი რელიზი ერთგვარად ახალი პროექტების სერიის დასაწყისია. მუსიკოსმა ხუთალბომიანი Mathematics-ის გამოცემა დაასრულა, რომელიც მოიცავს ისეთ წამყვან სინგლებს, როგორებიცაა Azizam (Billboard Hot 100-ის ჩარტში 28-ე ადგილი) და Old Phone-ს (Billboard Hot 100-ის ჩარტში 89-ე ადგილი).
„Play არის ალბომი, რომელიც ჩემი ცხოვრების ყველაზე ბნელ პერიოდზე პირდაპირი რეაქციაა, ამის შემდეგ მე უბრალოდ მინდოდა, შემექმნა ბედნიერი და ფერადი ემოციები, აღმომეჩინა იმ ქვეყნის სხვადასხვა კულტურა, სადაც ტურნეს ვატარებ. ეს ჩემთვის ნამდვილი ემოციური ატრაქციონია საწყისიდან ბოლომდე.“ – აღნიშა ედ შირანმა ალბომის გამოსვლამდე სოციალურ მედიაში.
ედ შირანის მსგავსად, დრეიკიც დაუბრუნდა მუსიკას, ახალ სიმღერაში Dog House მასთან ერთად ასევე მონაწილეობენ Yeat და Julia Wolf.
ამ კვირაში ახალი მუსიკა ალტერნატიულმა-როკ ბენდმა, Twenty One Pilots-მაც გამოუშვა, რომელმაც ალბომი Breach წარადგინა. კოლუმბიელ-ამერიკელი არტისტი Kali Uchis – კი Billboard-ის 2025 წლის R&B დებიუტანტად დასახელებულ რეივინ ლენეის შეუერთდა ტრეკში Cry About It!.მუსიკალური რელიზი ასევე გამოსცა საცეკვაო სცენის ვარსკვლავმა ჯონ სამიტმა, რომელმაც ემოციური ჰიტი Crystallized Inéz-თან კოლაბორაციით გამოაქვეყნა, ხოლო Little Mix-ის წევრმა ჯეიდ თირლუელმა მსმენელს სადებიუტო სოლო ალბომი That’s Showbiz Baby! შესთავაზა.
