20 სექტემბერს გიორგი გიგაშვილმა სოლო კონცერტი ლიონში, Auditorium de Lyon-ის სცენაზე გამართა. ქართველი პიანისტი ფრანგული აუდიტორიის წინაშე სერია Rising Stars-ის ფარგლებში წარდგა, რომელიც ECHO-ს (the European Concert Hall Organisation) ორგანიზებით იმართება. Rising Stars მსმენელს ევროპის მასშტაბით პერსპექტიულ ახალგაზრდა მუსიკოსებს აცნობს, რომელთა შერჩევაც გამორჩეული ნიჭის, ინდივიდუალურობისა და მხატვრული ხედვის საფუძველზე ხდება.
კონცერტზე გიორგი გიგაშვილმა მსოფლიო კლასიკოსების ნაწარმოებები შეასრულა, როგორებიც არიან რობერტ შუმანი, კლარა შუმანი, ფელიქს მენდელსონი, ფანი მენდელსონი, დმიტრი შოსტაკოვიჩი და გალინა უსტვოლსკაია. საღამოზე შედგა ასევე ქართველი მუსიკოსის, ნატალია ბერიძის ნაწარმოების, Holy Atoms-ის პრემიერაც, რომელიც ECHO-ს დაკვეთით სპეციალურად გიგაშვილისთვის შეიქმნა.
კომპოზიციის ნაწყვეტის ვიდეოს ქართველი პიანისტი სოციალურ ქსელში ავრცელებს:
