რამდენიმე კვირის წინ Stranger Things-ის მსახიობმა, მილი ბობი ბრაუნმა და ჯეიკ ბონჯოვიმ განაცხადეს, რომ გოგონა იშვილეს. ახლახან ჯონ ბონ ჯოვიმ Bunnie xo-ის Dumb Blonde პოდკასტში ბაბუის ამპლუაში თავის ახალ ცხოვრებაზე ისაუბრა.
„მათ გოგონა აიყვანეს, ჩვენ მას შევხვდით და იმ წამიდანვე ჩვენი შვილიშვილი გახდა, გესმით, რას ვამბობ? აცნობიერებ, რომ ეს შენი პატარაა. ასე რომ, საოცარია, მინდა ყოველდღე მისი ფოტოები ვნახო,” – თქვა ჯონ ბონ ჯოვიმ.
ბრაუნმა და ბონჯოვიმ 21 აგვისტოს განაცხადეს, რომ მშობლები გახდნენ. წყვილმა ერთობლივ განცხადებაში დაწერა: „ამ ზაფხულს ჩვენი ტკბილი გოგონას შვილად აყვანით შევეგებეთ.“
ერთი წლის წინ ბრაუნი და ბონჯოვი სამწლიანი ურთიერთობის შემდეგ დაქორწინდნენ. ბრაუნი 21 წლისაა, ჯეიკ ბონჯოვი კი 23-ის, თუმცა, როგორც ჯონ ბონ ჯოვი ამბობს, წყვილი ძლიერი და მტკიცეა, მიუხედავად იმისა, რომ ოჯახი ახალგაზრდა ასაკში შექმნეს: „მათ ძალიან ახალგაზრდებმა იქორწინეს, მაგრამ ასაკთან შედარებით უფრო ზრდასრულად აზროვნებენ. მათ უყვართ ერთმანეთი და უბრალოდ ვიფიქრეთ: კარგი, ჩვენ ამ გადაწყვეტილებას მხარს დავუჭერთ. ყველაფერი კარგად მიდის.“
მილი ბობი ბრაუნზე საუბრისას, ჯონ ბონ ჯოვიმ თქვა: „სულ ვეუბნები, რამდენად ვაფასებ. მისი სამუშაო ეთიკა დაუჯერებელია.“
ჯონ ბონ ჯოვი Dumb Blonde-ის პოდკასტში მაშინ გამოჩნდა, როცა მისი ბენდი ჩანაწერის – Forever (Legendary Edition)-ის გამოცემისთვის ემზადება. ეს არის 2024 წლის ალბომის განახლებული ვერსია, რომელშიც კოლაბორაციები იქნება ავრილ ლავინთან, ბრიუს სპრინგსტინთან და სხვა არტისტებთან.
მოუსმინეთ ჯონ ბონ ჯოვის სრულ ინტერვიუს Bunnie xo-თან:
