ჯასტინ ბიბერმა ალბომ Swag II-ის ახალი სინგლის, Speed Demon-ის შავ-თეთრი ვიდეოკლიპი გამოაქვეყნა და ამავე დროს, 2026 წელს, Coachella-ზე ჰედლაინერ სეტი დააანონსა. ვიდეოში არტისტი კალიფორნიაში, Empire Polo Club-ის ცარიელ მდელოზე, სწორედ იმ ლოკაციაზე ჩნდება, სადაც Coachella-ს ფესტივალი ყოველწლიურად იმართება.
მუსიკალური კლიპის რეჟისურა და მონტაჟი რორი კრამერს ეკუთვნის, რომელსაც ასევე უთანამშრომლია Chainsmokers-სა და შონ მენდესთან. ვიდეოს მინიმალისტური და მსუბუქი ატმოსფერო დაჰყვება, რომელიც ალბომის ხასიათს ასახავს.
ჯასტინ ბიბერმა კლიპი ინსტაგრამზე შემდეგი წარწერით გამოაქვეყნა: see u in april.
მომღერალმა ინსტაგრამზე ოჯახური კადრებიც გააზიარა, სადაც ერთ ფოტოში თავის ერთი წლის შვილითან, ჯეკ ბლუზ ბიბერთან ერთადაა, მომდევნოში კი ჰეილი ბიბერთან და შვილთან ერთად. სიმღერა Speed Demon Billboard Hot 100-ის ჩარტში პირველივე კვირაში 66-ე ადგილზე მოხვდა.
გასულ კვირას ფესტივალის ორგანიზატორებმა განაცხადეს, რომ ჯასტინ ბიბერი მომავალ წელს Coachella-ს ფესტივალის ერთ-ერთი ჰედლაინერი საბრინა კარპენტერთან და კაროლ ჯისთან ერთად იქნება. ფესტივალის ლაინაფში ასევე ვხვდებით ისეთ ცნობილ არტისტებს, როგორებიც არიან: The XX, Nine Inch Noize, Disclosure, The Strokes, Addison Rae, Labrinth, BIGBANG, Major Lazer, Iggy Pop, Wet Leg და სხვები.
მიუხედავად იმისა, რომ ჯასტინ ბიბერი Coachella-ს ფესტივალზე სხვა არტისტებთან ერთად აქამდეც წარმდგარა, მომავალი წელი მისთვის განსაკუთრებული იქნება, რადგან იგი მსმენელის წინაშე ჰედლაინერის ამპლუაში გამოჩნდება. ჯერჯერობით ჯასტინ ბიბერს ალბომების Swag/Swag II-ის მხარდამჭერი ტურნე არ დაუანონსებია. მომღერალმა ბოლოს Justice World Tour გააუქმა ჯანმრთელობის პრობლემების გაუარესებისა და რამსეი-ჰანტის სინდრომის გამო, რამაც არტისტის სახის ნაწილობრივი დამბლა გამოიწვია.
იხილეთ Speed Demon-ის ვიდეო:
