ამერიკული ბეისბოლის ლიგის პლეი-ოფის – 2025 წლის MLB Playoffs-ის წინ ტურნირის კამპანია, სახელწოდებით October Hits Different გავრცელდა.
კამპანიის ვიდეოკლიპში ფარელ უილიამსი და ვოკალური გუნდი Voices of Fire მონაწილეობს. ვიდეოში ასევე ჩნდება 25-კაციანი ორკესტრი, რომელიც მაიამის უნივერსიტეტის სტუდენტებითაა დაკომპლექტებული. კამპანია MLB-ის სტადიონის მოედანზეა გადაღებული.
კლიპში ბეისბოლის ვარსკვლავების: აარონ ჯაჯის, შოჰეი ოტანის, ქალ რაილისა და კაილ შვარბერის საუკეთესო მომენტები ჩანს.
„Voices of Fire-ის პროექტში ჩართვა აჩვენებს, როგორ შეიძლება ერთიანობის ძალა სპორტშიც გაცოცხლდეს,” – აღნიშნა ფარელმა განცხადებაში. კამპანია შესრულებულია Voices of Fire-ის სიმღერაზე – Are You Ready?, რომლის პროდიუსერიც თავად ფარელ უილიამსია.
ამჟამად სეზონის ჯერ კიდევ არაერთი მატჩი რჩება გასარკვევი, რაც ქომაგებისთვის უახლოეს დღეებს განსაკუთრებულად საინტერესოს ხდის. მას შემდეგ, რაც ყველა წყვილი განისაზღვრება, რაუნდი 30 სექტემბერს დაიწყება და 24 ოქტომბრამდე გაგრძელდება. საბოლოოდ კი, მხოლოდ ერთი გუნდი შეძლებს 121-ე მსოფლიო სერიის თასის მოპოვებას.
„October Hits Different-ის საშუალებით გვინდოდა პლეი-ოფის მასშტაბის მუსიკით გადმოცემა,“ – აღნიშნა MLB-ის მარკეტინგის დირექტორმა. მისი შეფასებით, Voices of Fire-ის ეს სიმღერა, რომელიც ფარელთან კოლაბორაციითაა შექმნილი და ცოცხალი ორკესტრის თანხლებით სრულდება, ზუსტად ასახავს ამ მასშტაბურობას და დიდი მიზნისკენ სწრაფვას.
იხილეთ ვიდეო:
